நடிகை சங்கவியால் ஹிட் படத்தின் வாய்ப்பை மறுத்த விஜய் – எந்த படம் தெரியுமா

நடிகர் விஜய் நாட்டாமை படத்தில் நடிக்க வந்த வாய்ப்பை மறுத்ததற்கு நடிகை சங்கவியுடனான கிசுகிசுக்களே காரணம் என சொல்லப்படுகிறது.

1994 ஆம் ஆண்டு சரத்குமார், மீனா, குஷ்பு, விஜயகுமார் மற்றும் கவுண்டமணி மற்றும் செந்தில் நடிப்பில் வெளியான நாட்டாமை திரைப்படம் அந்த ஆண்டிலேயே அதிக வசூல் செய்த படமாக அமைந்தது. அந்த படத்தில் சரத்குமாரின் கடைசி தம்பியாக ராஜா ரவீந்தர் நடித்திருந்தார்.

ஆனால் அந்த கதாபாத்திரத்தில் விஜய்யை நடிக்க வைக்கலாம் என யோசித்தார்களாம் இயக்குனர் கே எஸ் ரவிக்குமாரும், தயாரிப்பாளர் ஆர் பி சௌத்ரியும்.. ஆனால் அந்த கதாபத்திரத்துக்கு ஜோடியாக நடிகை சங்கவி நடிக்க இருந்ததால் அந்த கதாபாத்திரத்தை மறுத்துள்ளார் விஜய். ஏனென்றால் ற்கனவே சங்கவிக்கும் அவருக்கும் இடையே காதல் இருப்பதாக ஊடகங்கள் அந்த நேரத்தில் செய்தி வெளியிட்டு வந்தன. இந்த படத்தில் நடித்தால் அதை உறுதிப் படுத்துவது போல இருக்கும் என்பதால் விஜய் அந்த முடிவை எடுத்தார் என சொல்லப்படுகிறது. ஆனால் விஜய் கதாநாயகனாக நடித்து வந்த வேளையில் குணச்சித்திர கதாபாத்திரத்தில் நடிக்க வேண்டுமா என யோசித்தும் அந்த முடிவை எடுத்திருக்கலாம் என சொல்லப்படுகிறது.