விஜய்க்கு இணையான வரவேற்பு: மீண்டும் அதிர்ந்தது ஷிமோகா!

தமிழகத்தில் நடிகர் விஜய்க்கு கோடிக்கணக்கான ரசிகர்கள் இருப்பதால் அவருடைய படப்பிடிப்பு தமிழகத்தில் நடைபெற முடியாத நிலை இருந்து வருகிறது. படப்பிடிப்பு நடக்கும் இடத்தில் விஜய் ரசிகர்களின் அன்பு தொல்லை காரணமாகவே வெளிமாநிலத்தில் அல்லது வெளிநாட்டில் அவருடைய படங்கள் படமாக்கப்பட்டு வருகின்றன

இந்த நிலையில் சமீபத்தில் கர்நாடக மாநிலத்தில் உள்ள ஷிமோகா சிறைச்சாலையில் விஜய் நடித்து வரும் ‘தளபதி 64’ படத்தின் படப்பிடிப்பு நடைபெற்றபோது தமிழகத்துக்கு இணையாக கர்நாடகத்திலும் விஜய் ரசிகர்கள் படப்பிடிப்பு நடந்த இடத்திலும், விஜய் தங்கியிருந்த ஓட்டல் முன்பும் தினமும் ஆயிரக்கணக்கில் குவிந்து விஜய்யை பார்க்க காத்திருந்தனர் என்பது குறிப்பிடத்தக்கது.,

இந்த நிலையில் நடிகர் விஜய் ஷிமோகா படப்பிடிப்பை முடித்துவிட்டு தற்போது லண்டன் சென்றுள்ளார். இருப்பினும் இந்த படத்தின் படப்பிடிப்பு தொடர்ந்து ஷிமோகாவில் நடைபெற்று வரும் நிலையில் தற்போது ஷிமோகாவில் நடைபெற்று வரும் இந்த படத்தின் படப்பிடிப்பில் விஜய்சேதுபதி கலந்து கொண்டுள்ளார்

விஜய்க்கு எந்த அளவிற்கு ஷிமோகாவில் வரவேற்பு இருந்ததோ, அதே அளவுக்கு விஜய் சேதுபதி ரசிகர்களும் கர்நாடகாவில் அவருக்கு வரவேற்பு தந்து கொண்டிருக்கின்றனர். அவரை பார்ப்பதற்கும் ஆயிரக்கணக்கில் ரசிகர்கள் குவிந்தனர்.

நேற்று விஜய் சேதுபதி படப்பிடிப்பிற்கு வருகை தந்தபோது ரசிகர் ஒருவர் தன்னுடைய பிறந்த நாள் என்றும் விஜய் சேதுபதி முன் கேக் வெட்ட வேண்டும் என்று கூறியதை அடுத்து அவருக்கு கேக் வெட்டி வாயில் ஊட்டி பிறந்தநாள் வாழ்த்துக்களை விஜய்சேதுபதி கூறினார். ரசிகருக்காக ஒரு சில நிமிடங்கள் ஒதுக்கி பிறந்தநாள் கேக்கை வெட்டி வாழ்த்து கூறிய விஜய் சேதுபதிக்கு பாராட்டுக்கள் குவிந்து வருகிறது

Published by

adminram

5 years ago