சுஷாந்துக்கு நடந்தது சிவகார்த்திகேயனுக்கும் நடந்தது – தயாரிப்பாளரின் கருத்தால் சர்ச்சை!

பாலிவுட்டில் சுஷாந்துக்கு நடந்தது போல தமிழ் சினிமாவில் சிவகார்த்திகேயனுக்கும் தொல்லைகள் கொடுக்கப்பட்டதாக தயாரிப்பாளர் ரவீந்தரன் தெரிவித்துள்ளார்.

நடிகர் சுஷாந்த்தின் தற்கொலை பாலிவுட்டில் நிலவும் நெப்போட்டிஸம் வாரிசு நட்சத்திரங்களின் ஆதிக்கம் பற்றி பல விவாதங்களை எழுப்பியுள்ளது.  இது சுஷாந்துக்கு மட்டும் இல்லாது பல நடிகர் நடிகைகளுக்கும் நடந்துள்ளதாக பலரும் குற்றச்சாட்டு எழுப்பியுள்ளனர். இந்நிலையில் பாலிவுட் போல தமிழ் சினிமாவில் வாரிசு நட்சத்திரங்கள் வெளியி இருந்து வருபவர்களுக்கு பிரச்சனைகள் கொடுப்பதில்லை என சொல்லப்பட்டது.

ஆனால் அங்கே சுஷாந்துக்கு நடந்தது போல இங்கே வேகமாக முன்னேறி வந்த சிவகார்த்திகேயனுக்கும் பலர் தொல்லை கொடுத்துள்ளனர் என தயாரிப்பாளர் ரவீந்தரன் தெரிவித்துள்ளார். இதுகுறித்து அவரது நேர்காணல் ஒன்றில் ‘நான்கு வருடங்களுக்கு முன்னர் அவர் பல பிரச்சனைகளை சந்தித்தார். அவர் ஒரு கார் வாங்கினால் கூட அது பலருக்கு பிரச்சனையாக அமைந்தது. அவருக்குப் பல தொல்லைகள் கொடுக்கப்பட்டன. அதனால் தான் அவர் ஒரு நிகழ்ச்சியில் மேடையிலேயே கண்கலங்கி அழுதார்.’ எனக் கூறியுள்ளார். ரெமோ பட விழா ஒன்றில் மேடையிலேயே சிலர் தன்னை வேலை செய்யவிடாமல் தடுப்பதாக கண்கலங்கி கூறினார் என்பது குறிப்பிடத்தக்கது.