ரஜினியின் அரசியல் கனவு என்னவாகும் – மீண்டும் சர்ச்சையைக் கிளப்பிய மீரா மிதுன்!

நடிகை மீரா மிதுன் சமீபகாலமாக சர்ச்சைகள உருவாக்கி அதன் மூலம் தன்னைப் பற்றிய செய்திகள் வெளியாகும் படி பார்த்துக் கொள்கிறார்.

கடந்த இரண்டு வாரங்களாக விஜய் மற்றும் சூர்யா இருவரைப் பற்றியும் அவர்கள் குடும்பத்தினரைப் பற்றியும் இழிவாக பேசி ரசிகர்களின் கோபத்துக்கு ஆளானார் மீரா மிதுன். இதையடுத்து அவர் இப்போது ரஜினிகாந்தின் அரசியல் வருகையை விமர்சனம் செய்து ரஜினி ரசிகர்களின் கோபத்துக்கு ஆளாகியுள்ளார். ரஜினிகாந்த் தமிழ் சினிமாவுக்கு அறிமுகமாகி 45 ஆண்டுகள் ஆகியுள்ளதை அடுத்து அவரைப் பாராட்டி திரையுலகினர் பலரும் தங்கள் வாழ்த்துகளை தெரிவித்து வருகின்றனர்.

இந்நிலையில் இதுபற்றி தனது டிவிட்டரில் ‘சூப்பர் ஸ்டார் ரஜினிகாந்தின் 45 வருடங்கள். சாதாரண பஸ் கண்டக்டராக இருந்து மிகச்சிறந்த நடிகராக மாறியுள்ள அவரை நானும் வியக்கிறேன். ஆனால் அவரது அரசியல் ஆசையும், தமிழ் நாட்டை ஆளவேண்டும் என்கிற கனவும் கனவாகவே அமையப்போகிறது. 54 ஆண்டுகால அறிவாலயமும், அதிமுகவும் தமிழகத்துக்கான வழியை காட்டியுள்ளனர். அதனால் தள்ளி இருங்கள் ரஜினிகாந்த் அவர்களே’ எனக் கூறியுள்ளார்.