மாஸ்டர் படத்தில் சிறு வயது விஜய் சேதுபதியாக நடித்துள்ளது யார் தெரியுமா?

மாஸ்டர் படத்தில் விஜய் சேதுபதியின் டீனேஜ் தோற்றத்தில் குழந்த நட்சத்திரப் புகழ் ‘மாஸ்டர் மகேந்திரன்’ நடித்துள்ளதாக செய்திகள் வெளியாகியுள்ளன.

மாஸ்டர் படம் எப்போது ரிலிஸ் ஆகும் என்றே தெரியாத சூழலில் சிக்கியுள்ளது. இதனால் ஓடிடி நிறுவனங்கள் போட்டி போட்டுக்கொண்டு அந்த படத்தை வாங்க முயற்சி செய்து வருகின்றன. இந்நிலையில் திரையரங்குகள் திறப்புக்காக தயாரிப்பாளர்கள் காத்துக்கொண்டு இருக்கின்றனர். ஆனால் சமூகவலைதளங்களிலோ  விஜய் ரசிகர்கள் நாளுக்கு நாள் மாஸ்டர் படத்தின் அப்டேட்டை எதிர்பார்த்து வெறித்தனமாக காத்திருக்கிறார்கள்.

அதற்கேற்றார் போல அவ்வப்போது மாஸ்டர் படத்தைப் பற்றிய அப்டேட்டுகள் வெளியாகிக் கொண்டு இருக்கின்றன. அந்த வகையில் இப்போது இந்த படத்தில் வில்லனாக நடிக்கும்  விஜய் சேதுபதியின் இளம் பருவ போர்ஷனில் அவருக்குப் பதிலாக மாஸ்டர் மகேந்திரன் அந்த கதாபாத்திரத்தில் நடித்துள்ளாராம். ஆனால் அந்த கேரக்டரும் சேர்த்து விஜய் சேதுபதியே படத்தில் டப்பிங் பேசியுள்ளாராம். மாஸ்டர் மகேந்திரன் குழந்தை நட்சத்திரமாகவே 100 படங்களுக்கு மேல் நடித்தவர் என்பது குறிப்பிடத்தக்கது.