பாஜக தொழிலதிபரை மணக்கிறாரா கீர்த்தி சுரேஷ்? பிரபல நடிகர் சொன்ன பரபரப்பு தகவல்!

தென்னிந்திய மொழிகளில் இப்போது முன்னணி நடிகையாக வலம் வருபவர் கீர்த்தி சுரேஷ். அவர் நடித்த நடிகையர் திலகம் எனும் படத்துக்கு தேசிய விருது கிடைத்த சந்தோஷம் மறைவதற்குள் ரஜினியின் அண்ணாத்த படத்தில் முக்கியமானக் கதாபாத்திரத்தில் நடித்து வருகிறார்.

இந்நிலையில் அவருக்கும் பாஜகவை சேர்ந்த தொழிலதிபர் ஒருவருக்கும் திருமணம் நடக்க இருப்பதாக நடிகரும் பத்திரிக்கையாளருமான பயில்வான் ரங்கநாதன் தெரிவித்துள்ளார். கீர்த்தி சுரேஷின் தந்தை பாஜக ஆதரவாளர் என்பது அனைவரும் அறிந்ததே. இந்நிலையில் அவர்தான் இந்த திருமண ஏற்பாட்டை செய்துள்ளதாகவும் கீர்த்தி சுரேஷும் இந்த திருமணத்துக்கு சம்மதம் தெரிவித்துள்ளதாகவும் சொல்லப்படுகிறது. ஆனால் அந்த தொழிலதிபர் யார் என்ற விவரத்தை அவர் சொல்லவில்லை.