பா ரஞ்சித் படத்தில் கதாநாயகனாக யோகி பாபு! – பின்னணி என்ன?

பா ரஞ்சித்தின் நீலம் புரொடக்‌ஷன் தயாரிக்கும் புதிய படத்தில் யோகி பாபு கதாநாயகனாக நடிக்க இருக்கிறார்.

யோகி பாபு லொல்லு சபா தொடர்களில் ஆங்காங்கே தலைகாட்டிக் கொண்டு இருந்த நேரத்தில் யோகி படத்தில் ஒரு கதாபாத்திரம் கிடைக்க அதில் திறமையாக நடித்து ரசிகர்கள் மனதில் இடம்பிடித்தார். அதன் பின்னர் வரிசையாக அவர் நடித்த கதாபாத்திரங்கள் ரசிகர்களுக்குப் பிடிக்க தற்போது தமிழ் சினிமாவின் நம்பர் ஒன் நகைச்சுவை நடிகராக உள்ளார்.

காமெடியனாக மட்டுமல்லாமல் கதாநாயகனாகவும் தர்மபிரபு மற்றும் ஸாம்பி ஆகிய படங்களில் நடித்துள்ளர். இந்நிலையில் அடுத்ததாக பா ரஞ்சித் தயாரிக்கும் புதிய படத்தில் கதாநாயகனாக நடிக்க இருக்கிறார். அந்த படத்தை புதுமுக இயக்குனர் ஒருவர் இயக்க இருக்கிறார். ஏற்கனவே ரஞ்சித் தயாரித்த பரியேறும் பெருமாள் மற்றும் இரண்டாம் உலகப்போரின் கடைசி குண்டு ஆகிய படங்கள் கவனம் ஈர்த்தது குறிப்பிடத்தக்கது.