யாருப்பா இந்த இயக்குனர்… கலக்கலான போஸ்டரால் ரசிகர்களுக்கு இன்ப அதிர்ச்சி!

இயக்குனர் அருண் மாதேஸ்வரன் என்பவர் இயக்கவுள்ள சாணிகாயிதம் எனும் படத்தின் போஸ்டர் சமூகவலைதளங்களில் வைரலாகி வருகிறது.

தமிழ் சினிமாவில் மிக முக்கியமான இயக்குனராக அறியப்படுபவர செல்வராகவன். உறவுகளுக்கு இடையிலான பிரச்சனைகளை தனித்துவமான வழியில் சொல்லி தனக்கான ரசிகர்களை உருவாக்கிக் கொண்டவர் அதன் பின்னர் பேண்டஸி கதைகள் மற்றும் அரசியல் கதைகள் என இயக்கி சரிவுகளை சந்தித்தார். ஆனாலும் அவருக்கான ரசிகர் பட்டாளம் இன்னும் குறையாமல்தான் உள்ளது. இந்நிலையில் இப்போது அவர் நடிகராக அரிதாரம் பூச இருக்கிறார்.

நேற்று முன் தினம் மாலை அவர்  தனது சமூகவலைதளப் பக்கத்தில் சாணி காயிதம் எனும் படத்தின் போஸ்டரை வெளியிட்டார். அந்த படத்தின் போஸ்டர் ரசிகர்கள் அனைவரையும் கவர்ந்துள்ளது. மேலும் இந்த படத்தில் மற்றொரு முக்கியக் கதாபாத்திரத்தில் நடிகை கீர்த்தி சுரேஷும் நடிக்க இருக்கிறார். இந்த போஸ்டர் சமூகவலைதளங்கள் எங்கும் கவனம் ஈர்க்க அதன் இயக்குனர் அருண் மாதேஸ்வரனுக்கு பாராட்டுகள் குவிந்த வண்ணம் உள்ளன.

இதையடுத்து அந்த இயக்குனரின் முதல் படமான ராக்கியில் நடித்துள்ள இயக்குனர் இமயம் பாரதிராஜா, தனது சமூகவலைதள பக்கத்தில் இயக்குனருக்கு பாராட்டுகளை தெரிவித்துள்ளார்.