சுதந்திர தினத்தன்று பர்த்டே!.. ஆக்‌ஷன் கிங் அர்ஜுன் ஷாம்பைனை இப்படி பொங்க வைக்கிறாரே!..

ஆக்ஷன் கிங் அர்ஜுன் தனது பிறந்தநாளை குடும்பத்தினருடன் கொண்டாடிய புகைப்படங்கள் தற்போது வைரலாகி வருகிரது. ஆகஸ்ட் 15 சுதந்திர தினத்தன்று அவர் பிறந்தநாள் கொண்டாட்டத்தில் குடும்பத்தினருடன் இணைந்து கேக் வெட்டி மகிழ்ந்த அர்ஜுன், கொண்டாட்டத்தின் போது ஒரு ஷாம்பெயின் பாட்டிலைத் திறக்கும் வீடியோவை பகிர்ந்துள்ளார்.

இதனிடையே, அர்ஜுனின் நடிப்பில் சமீபத்தில் வெளியான ‘பிளாஸ்ட்’ திரைப்படம் அவருக்கு நல்ல வரவேற்பைப் பெற்றுத் தந்துள்ளது. சுபாஷ் கே. ராஜ் இயக்கத்தில் உருவான இப்படத்தில் அர்ஜுனுடன் அபிராமி மற்றும் ப்ரீத்தி முகுந்தன் உள்ளிட்டோர் முக்கிய கதாபாத்திரங்களில் நடித்திருந்தனர். மேலும், குறைந்த பட்ஜெட்டில் உருவான இப்படம் உலகளவில் ரூ.76 கோடிக்கும் அதிகமாக வசூலித்ததாக தயாரிப்பு நிறுவனம் அறிவித்தது. 

இவ்வாறு தனது திரைப்படத்தின் வெற்றியைத் தொடர்ந்து குடும்பத்துடன் பிறந்தநாளையும் கொண்டாடியுள்ள அர்ஜுனின் புகைப்படங்கள் மற்றும் வீடியோக்கள் தற்போது ரசிகர்கள் மத்தியில் கவனம் பெற்று வருகின்றன. சமூக வலைதளங்களில் வெளியாகியுள்ள இந்தப் புகைப்படங்கள் ரசிகர்களிடையே வைரலாகி வரும் நிலையில், திரையுலகினரும் ரசிகர்களும் அர்ஜுனுக்கு பிறந்தநாள் வாழ்த்துகளை தெரிவித்து வருகின்றனர்.