கேரளாவின் அண்ணன் விஜய் : மோகன்லால், மம்மூட்டி கூட ஒதுங்கி நிற்கிறார்கள் - பிருத்விராஜ்

தமிழ் சீமாவில் முன்னணி நட்சத்திரமாக இருப்பவர் விஜய். தமிழ் நாட்டில் ரஜினியை விட அதிக ரசிகர்களை கொண்டவர் இவர். தற்போது சினிமாவை விட்டு விலகி அரசியலில் நுழைந்துவிட்டார். விஜய்க்கு தமிழகம் மட்டுமின்றி கேரளாவிலும் ரசிகர்கள் அதிகம்.

இந்த நிலையில், தற்போது மலையாள திரையுலகின் முன்னணி நடிகரும் இயக்குநருமான பிருத்விராஜ் தெரிவித்துள்ள கருத்துக்கள் இணையத்தில் பரவி வருகின்றன.

கேரளாவில் விஜயின் படங்கள் வெளியாகும் போது, அங்குள்ள ரசிகர்கள் அவரை வெறும் ஒரு நடிகராக பார்க்காமல், தங்கள் வீட்டு அண்ணனாக கருதி கொண்டாடுகிறார்கள். அவருடைய படங்களுக்கு கேரளா ரசிகர்கள் கொடுக்கும் வரவேற்பு அளப்பரியது. பொதுவாக கேரளாவின் சூப்பர் ஸ்டார்களான மோகன்லால் மற்றும் மம்மூட்டி ஆகியோரது படங்கள் பெரிய எதிர்பார்ப்புக்கு மத்தியில் வெளியாகும். ஆனால், விஜயின் படம் வெளியாகும் தேதிகளில் தங்கள் படங்களை வெளியிடுவதை இந்த ஜாம்பவான்களே கூட தவிர்க்கிறார்கள் என்று பிருத்விராஜ் குறிப்பிட்டுள்ளார்.