அவங்க செம மாஸ் ஆச்சே!..ராகவா லாரன்ஸின் படத்தை இயக்கும் ஸ்டண்ட் மாஸ்டர்கள்….

நடன இயக்குனராக இருந்து நடிகராக மாறியவர் ராகவா லாரன்ஸ். ஒருகட்டத்தில் இயக்குனராகவும் மாறினார். முனி திரைப்படம் மூலம் ஹாரர் காமெடி படங்களை அறிமுகப்படுத்தினார்.

அதன்பின், காஞ்சனா, காஞ்சனா 2, காஞ்சனா 3 உள்ளிட்ட படங்களை இயக்கி ஹிட் கொடுத்தார். ஒருப்பக்கம் மற்ற இயக்குனர்களின் திரைப்படங்களிலும் நடித்து வருகிறார்.

இந்நிலையில், அவர் நடிக்கவுள்ள துர்கா என்கிற திரைப்படத்தை பிரபல சண்டை காட்சி இயக்குனர்கள் அன்பு மற்றும் அறிவு ஆகியோர் இயக்கவுள்ளனர். இவர் கேஜிஎப், கேஜிஎப் 2 உட்பட பல பிரம்மாண்ட திரைப்படங்களுக்கு சண்டை காட்சி அமைத்தவர்கள்.

இந்த அறிவிப்பை ராகவா லாரன்ஸ் தனது டிவிட்டர் பக்கத்தில் பகிர்ந்துள்ளார். துர்கா படம் தொடர்பான லாரன்ஸின் லுக் மிரட்டலாக இருந்தது குறிப்பிடத்தக்கது.