ஹேப்பி பர்த்டே வீரன்!.. தனுஷ் அக்கா மகனுக்கு அட்டாக்கர் டீம் கொடுத்த ஹைப்பை பாருங்க!..

நடிகர் தனுஷின் மருமகனான பவிஷ், இன்று தனது பிறந்தநாளைக் கொண்டாடி வரும் நிலையில், அவருக்கு வாழ்த்து தெரிவிக்கும் விதமாக அவர் நடித்து வரும் ‘அட்டாக்கர்’ படக்குழு சிறப்பு போஸ்டர் ஒன்றை வெளியிட்டுள்ளது. அதில் பவிஷ், சட்டை இல்லாமல் சேற்றில் வாலிபால் விளையாவது போல் போஸ்டரை வெளியிட்ட படக்குழு, Happy Birthday Veeran எனக் குறிப்பிட்டு அவருக்கு பிறந்தநாள் வாழ்த்துகளை தெரிவித்துள்ளனர்.

அறிமுக இயக்குநர் தாமோ நாகபூஷ்ணம் எழுதி இயக்கும் ‘அட்டாக்கர்’ திரைப்படத்தில் பவிஷ் கதாநாயகனாக நடிக்கிறார். அவருக்கு ஜோடியாக நடிகர்-இயக்குநர் சுந்தர் சி மற்றும் நடிகை குஷ்பு தம்பதியின் மகள் அவந்திகா சுந்தர் நடித்து வருகிறார். இப்படத்தின் மூலம் அவந்திகா தமிழ் சினிமாவில் கதாநாயகியாக அறிமுகமாகிறார்.

தனுஷ் இயக்கிய ‘நிலவுக்கு என்மேல் என்னடி கோபம்’ திரைப்படத்தின் மூலம் கதாநாயகனாக அறிமுகமானவர் பவிஷ். அதனைத் தொடர்ந்து பவிஷின் அடுத்த படமாக ‘லவ் ஓ லவ்’ படம் சமீபத்தில் வெளியாகி கலவையான விமர்சனங்களை பெற்றது.

பவிஷின் பிறந்தநாளை முன்னிட்டு வெளியாகியுள்ள ‘அட்டாக்கர்’ போஸ்டர், அவரது புதிய தோற்றத்தை வெளிப்படுத்தியிருப்பதுடன், படத்தின் மீதான எதிர்பார்ப்பையும் ரசிகர்கள் மத்தியில் அதிகரித்துள்ளது. குறிப்பாக வாலிபால் பின்னணியில் உருவாகும் இந்தப் படம் பவிஷின் திரைப்பயணத்தில் எந்த அளவுக்கு முக்கியமான படமாக அமையும் என்பதைப் பொறுத்திருந்து பார்க்கலாம்.