Box Office
இப்பவும் விஜயகாந்துதான் மாஸ்!.. 25 கோடி வசூலை நெருங்கிய கேப்டன் பிரபாகரன்…
Captain Prabhakaran: நடிகர் விஜயகாந்த் எவ்வளவோ திரைப்படங்களில் நடித்திருந்தாலும் அவருக்கும், அவரின் ரசிகர்களுக்கும் ஸ்பெஷல் என்றால் அது கேப்டன் பிரபாகரன்தான். ஆர்.கே.செல்வமணி இயக்கத்தில் 1991ம் வருடம் வெளியான இப்படம் வசூலை வாரி குவித்தது. இரண்டே இரண்டு பாடலுடன் தமிழில் ஒரு ஹாலிவுட் படம் போல வெளிவந்தது கேப்டன் பிரபாகரன். இந்த படத்தில் இடம்பெற்ற சண்டை காட்சிகளும், வசனங்களும் ரசிகர்களை கைத்தட்ட வைத்தது.
தனது நண்பரான சரத்குமார் வீரப்பனை பிடிக்க காட்டுக்குள் போய் காணாமல் போய்விட அவர் என்ன ஆனார் என தேடி விஜயகாந்த் தேடி செல்வதுதான் படத்தின் கதை. அதோடு அப்போது போலீஸுக்கே சிம்ம சொப்பனமாக இருந்த வீரப்பன் கதாபாத்திரத்தை வில்லனாக மாற்றி அதில் மன்சூர் அலிகானை நடிக்க வைத்து அசத்தலான திரைக்கதையை அமைத்திருந்தார் ஆர்.கே.செல்வமணி.
விஜயகாந்த் தற்போது இல்லாத நிலையில் கடந்த ஆகஸ்ட் மாதம் 22ஆம் தேதி 4கே தொழில்நுட்பத்தில் கேப்டன் பிரபாகரன் படம் தமிழகத்தில் பல தியேட்டர்களிலும் ரீரிலீஸ் செய்யப்பட்டது. ரீரிலீஸ் செய்யப்பட்ட நாள் முதலே படத்திற்கு ரசிகர்களிடம் நல்ல வரவேற்பு கிடைத்து வருகிறது. முதல் இரண்டு நாட்கள் சில லட்சங்கள் வசூல் ஆன நிலையில், மூன்றாம் நாள் முதல் தற்போது வரை தினமும் இரண்டு கோடிக்கு மேல் வசூலாகி வருகிறது.
படம் வெளியாகி 12 நாட்கள் ஆகிவிட்ட நிலையில் இதுவரை இப்படம் 24.28 கோடி வசூல் செய்திருக்கிறது. ஒரு படம் எவ்வளவு வசூல் செய்திருப்பது ஆச்சரியத்தை படுத்திருக்கிறது. 20 வருடங்களுக்கு முன்பு வெளியான கில்லி போன வருடம் ரீ-ரிலீஸ் செய்யப்பட்டு 30 கோடி வரை வசூல் செய்தது. ஆனால் 34 வருடங்களுக்கு முன்பு வெளியான கேப்டன் பிரபாகரன் 12 நாட்களில் 25 கோடி வரை வசூல் செய்திருப்பது பலரையும் ஆச்சரியப்படுத்தி இருக்கிறது.
