Cinema News
அடுத்த விஜயா?.. ரஜினியா?!.. பெரிய நடிகர்களுடன் கூட்டணி போடும் எஸ்.கே..
Sivakarthikeyan: விஜய் டிவியில் ஆங்கராக இருந்து சினிமாவில் படிப்படியாக முன்னேறியவர் சிவகார்த்திகேயன். மிகவும் குறுகிய காலத்தில் சினிமாவில் உச்சம் தொட்டவர் இவர். இவருக்கு முன்பு சினிமாவுக்கு வந்த பல சீனியர் நடிகர்களை ஓரம் கட்டிவிட்டு அவர்களை ஓவர்டேக் செய்து மேலே போனார்.
அவ்வளவு ஏன்?. சிவகார்த்திகேயனை தனது எதிர்நீச்சல் படம் மூலம் ரசிகர்களிடம் பிரபலமாக்கிய தனுஷையும் ஓரங்கட்டி அவரை விட அதிக சம்பளம் வாங்கும் நடிகராக மாறினார். இவரை ரசிகர்கள் சுருக்கமாக எஸ்.கே என அழைக்கிறார்கள். இவரின் டாக்டர், டான் போன்ற சில படங்கள் 100 கோடி வசூலை பெற்றது.
அதுவும் அமரன் திரைப்படம் 300 கோடி வசூலை பெற்றது. எனவே, தனது சம்பளத்தை 70 கோடியாக எஸ்.கே. ஏற்றிவிட்டார். இப்போதைக்கு ரஜினி, விஜய், அஜித் ஆகியோருக்கு அடுத்து அதிக சம்பளம் வாங்கும் நடிகர் இவர்தான். இவரின் வளர்ச்சியை பார்த்து பல நடிகர்களும் பொறாமைப்படுகிறார்கள்.
இதை அஜித்தே ஒருமுறை அவரிடம் கூறியிருக்கிறார். முன்பெல்லாம் காதல் கலந்த காமெடி படங்களில் மட்டுமே நடித்து வந்தவர் இப்போது பெரிய இயக்குனர், சீரியஸான கதை, பெரிய தயாரிப்பு நிறுவனம் என டார்கெட் பண்ண துவங்கிவிட்டார். அமரன் வெற்றிக்கு பின் சுதா கொங்கராவின் இயக்கத்தில் பராசக்தியிலும், முருகதாஸ் இயக்கத்திலும் மதராஸி படத்திலும் நடித்து வருகிறார்.
விஜய் சினிமாவை விட்டு விலகும் நிலையில் அவரின் இடத்தை பிடிக்கவேண்டும் என்கிற ஆசை அவருக்கு இருக்கிறது. அவர் இல்லை என்றாலும் தயாரிப்பாளர்களும் அவரை அப்படித்தான் பார்க்கிறார்கள். விஜய் இல்லாத காரணத்தினால் சில இயக்குனர்களின் பார்வை எஸ்.கே பக்கம் திரும்பியிருக்கிறது. பேஷன் ஸ்டுடியோ நிறுவனம் தயாரிப்பில் சிவகார்த்திகேயன் நடிக்கும் அடுத்த படத்தில் மோகன்லால் ஒரு முக்கிய வேடத்தில் நடிக்கவிருக்கிறாராம்.
பராசக்தி, மதராஸி மற்றும் சிபி சக்ரவர்த்தி ஆகியோரின் இயக்கத்தில் ஒரு படம் ஆகியவற்றை முடித்துவிட்டு இந்த படத்தில் எஸ்.கே நடிப்பார் என்கிறார்கள். மொத்தத்தில் அடுத்த விஜய் ஆவதற்கு பக்காவாக ஸ்கெட்ச் போட்டு வேலை பார்க்கிறார் என்றே புரிகிறது. விஜயின் ஜில்லா படத்தில் மோகன்லால் நடித்திருந்தார். அதேபோல், ஜெயிலர் படத்தில் கேமியோ வேடத்தில் வந்தார். எனவே, அவரோடு நடிக்கும் ஆசை எஸ்.கே.வுக்கும் வந்துவிட்டது போல!..
