சமந்தா படத்தையே பின்னுக்குத்தள்ளிய ராஷ்மிகா!.. காக்டெயில் 2 முதல் நாள் வசூல் ரொம்ப அதிகம்!..

நேற்று ஜூன் 19ம் தேதி வெளியான காக்டெய்ல் 2 திரைப்படத்தின் முதல் நாள் வசூலை படக்குழு அதிகாரப்பூர்வ போஸ்டர் மூலம் அறிவித்துள்ளது. இந்த அறிவிப்பு தற்போது சமூக வலைதளங்களில் வைரலாகி வருகிறது. 

2012-ஆம் ஆண்டு வெளியான வெற்றிப்படமான காக்டெய்ல் திரைப்படத்தின் தொடர்ச்சியாக உருவாகியுள்ள இந்தப் படம், காதல், நகைச்சுவை மற்றும் உணர்வுபூர்வமான உறவுகளை மையமாகக் கொண்ட கதையுடன் ரசிகர்களை கவர்ந்துள்ளது.

இயக்குநர் ஹோமி அடஜானியா இயக்கத்தில் உருவான காக்டெய்ல் 2 திரைப்படம், கடந்த ஜூன் 19, 2026 அன்று உலகம் முழுவதும் திரையரங்குகளில் வெளியானது. இதில் ஷாஹித் கபூர், கிருதி சனோன் மற்றும் ராஷ்மிகா மந்தனா ஆகியோர் முக்கிய கதாபாத்திரங்களில் நடித்துள்ளனர். இசையமைப்பாளர் ப்ரீதம் இசையமைத்துள்ள பாடல்கள் ரசிகர்களிடையே நல்ல வரவேற்பைப் பெற்றுள்ளன. 

நீண்ட காலமாக காதலித்து வந்தாலும் திருமண உறவில் முழுமையாக ஈடுபட தயங்கும் கல்லூரி காதலர்களான குணால் மற்றும் தியா, குடும்பத்தினரின் திருமண அழுத்தத்திலிருந்து விலகுவதற்காக சிசிலிக்கு சுற்றுலா செல்கின்றனர். அங்கு தியாவின் தோழியான, கவர்ச்சியும் கணிக்க முடியாத குணமும் கொண்ட அல்லி அவர்களின் வாழ்க்கையில் நுழைகிறார்.

தனது உறவின் மீது சந்தேகம் கொண்ட தியா, குணாலின் விசுவாசத்தை சோதிக்க அல்லியிடம் அவருடன் நெருக்கமாக பழகுமாறு கூறுகிறார். ஆனால் அந்த விளையாட்டாக தொடங்கிய சோதனை, பின்னர் மூவரின் வாழ்க்கையையும் மாற்றியமைக்கும் காதல் முக்கோணமாக மாறுகிறது. இதனால் உருவாகும் உணர்ச்சி மோதல்கள், காதல், நட்பு மற்றும் நம்பிக்கை ஆகியவற்றின் சிக்கலான பரிமாணங்களை படம் சுவாரஸ்யமாக வெளிப்படுத்துகிறது.

வெளியான முதல் நாளிலேயே ரூ.24 கோடி வசூல் செய்து வலுவான தொடக்கத்தை பதிவு செய்துள்ள காக்டெய்ல் 2, வார இறுதி நாட்களில் மேலும் பெரிய வசூல் சாதனைகளை படைக்கும் என திரையுலக வட்டாரங்கள் எதிர்பார்க்கின்றன.