×

கொரோனா குமார்... விஜய் சேதுபதியின் அடுத்தப்பட டைட்டில் டீசர்!

தமிழ் சினிமாவின் டாப் நடிகரான விஜய் சேதுபதி தற்ப்போது விஜய்யின் மாஸ்டர் படத்தில் வில்லனாக நடித்துள்ளார். இந்த படத்தை தொடர்ந்து கோகுல் இயக்கத்தில் "கொரோனா குமார்" என்ற படத்தில் நடிக்கவுள்ளார்.

 

கோகுல் இயக்கத்தில் விஜய் சேதுபதி நடிப்பில் வெளியான  ’இதற்குத்தானே ஆசைப்பட்டாய் பாலகுமாரா’, படம் சூப்பர் ஹிட் அடித்து அவரது திரைப்பயணத்திற்கு பெரிய திருப்புமுனையாக அமைந்தது குறிப்பிடத்தக்கது. இந்நிலையில் தற்ப்போது இப்படத்தின் டைட்டில் டீசரை நடிகர் விஜய் சேதுபதி அதிகாரபூர்வமாக அறிவித்துள்ளார்.

இந்த டைட்டில் அனைவரையும் வெகுவாக ஈர்த்துள்ளது. படத்தில் நிறைய நகைச்சுவை காட்சிகள் இருக்கும் என டீசரை பார்த்தே யூகிக்க முடிகிறது. இந்த படத்தில் நடிக்கும் நடிகர் நடிகைகள் குறித்த அறிவிப்பு இதுவரை வெளிவரவில்லை. கே.சதீஷ் தயாரிக்கும் இந்த படத்திற்கு சித்தார்த் விபின் இசை அமைக்க உள்ளார். இந்த படத்தின் படப்பிடிப்பு மிக விரைவில் தொடங்க விருப்பதாக படக்குழுவினர் அறிவித்துள்ளனர்.

From around the web

Trending Videos

Tamilnadu News