Cinema News
Dhanush: நான் மட்டும் என்ன தக்காளி தொக்கா? தனுஷின் ஸ்கெட்ச் வித்தியாசமா இருக்கே..
Dhanush: நடிகர் தனுஷ் தன்னுடைய படங்களுக்கு இனி இதை செய்ய போவதாக தகவல்கள் கசிந்துள்ளது.
தமிழ் சினிமாவில் நடிகர் தனுஷ் முன்னணி நடிகராக இருந்து வருகிறார். முதல் படத்திலிருந்து மிகப்பெரிய வெற்றியை குவித்த நடிகர்களில் தனுஷ் முக்கியமானவர். தொடர்ச்சியாக அவருக்கு வாய்ப்புகளும் குவிந்து வந்தது.
தமிழில் இருந்து பாலிவுட் பக்கம் சென்ற தனுஷிற்கு ஹாலிவுட் வரை நடிக்க வாய்ப்பு கிடைத்தது. முதல் தமிழ் நடிகராக க்ரேமேன் திரைப்படத்தில் நடித்து அசத்தினார். இதைத் தொடர்ந்து நடிகர் தனுஷ் நடிப்பில் மட்டுமல்லாமல் டைரக்ஷனிலும் கவனம் செலுத்தி வந்தார்.
இதையும் படிங்க: நேருக்கு நேர் மோதும் சூர்யா-தனுஷ்… இதுல இவங்க வேறயா?!… 2025 சுமார் தாறுமாறா இருக்கப்போது!…
அவரின் இயக்கத்தில் முதல் திரைப்படமான பா பாண்டி ரசிகர்களிடம் பெரிய அளவில் வரவேற்பை பெற்றது. தொடர்ச்சியாக இந்த ஆண்டு தனுஷின் இயக்கத்தில் வெளியான ராயன் திரைப்படமும் மிகப்பெரிய அளவில் வசூல் வேட்டை நடத்தியது. இப்படத்தின் வெற்றியால் நடிகர் தனுஷ் தற்போது தொடர்ச்சியாக படங்களை இயக்க முடிவு எடுத்து இருக்கிறார்.
அந்த வகையில் அவர் இயக்கத்தில் நிலவுக்கு என் மேல் என்னடி கோபம், இட்லி கடை உள்ளிட்ட திரைப்படங்கள் தயாராகி வருகிறது. பெயரிடப்படாத சில படங்களும் பேச்சுவார்த்தையில் இருப்பதாக கூறப்படுகிறது. இந்நிலையில் நடிகர் தனுஷ் தன்னுடைய கைவசம் இருக்கும் திரைப்படங்களில் ரிலீஸ் தேதியை மிகத் தெளிவாக திட்டமிட்டு இருப்பதாக தகவல் ஒன்று கசிந்து இருக்கிறது.
இதையும் படிங்க: Gossip: கட்சி நடிகருக்கு ‘நோ’ சொல்லிட்டு… கடைசில இப்படி பண்ணிட்டாரே!
அந்த வகையில் நிலவுக்கு என் மேல் என்னடி கோபம் திரைப்படத்தை இந்த ஆண்டு கிறிஸ்துமஸ் தினத்திலும், குபேரா திரைப்படத்தை அடுத்த ஆண்டு மகா சிவராத்திரியை முன்னிட்டும் வெளியிட முடிவெடுத்துள்ளனர்.
இது மட்டுமல்லாமல் நடிகர் தனுஷின் இட்லி கடை திரைப்படத்தை அடுத்த ஆண்டு ஏப்ரல் 10ம், தனுஷின் டி 55ஐ அடுத்தாண்டு தீபாவளி தினத்திற்கும் திட்டமிட்டு இருப்பதாக தகவல்கள் வெளியாகி இருக்கிறது. திடீரென நடிகர் தனுஷ் தன்னுடைய எல்லா படங்களும் பண்டிகை தினத்தை புக் செய்து வைத்திருப்பது கோலிவுட்டில் ஆச்சரியத்தை ஏற்படுத்தியிருக்கிறது.
