ராஜமெளலி தயாரிப்பில் ஃபஹத் பாசில் நடிக்கும் படம்!.. அட்டகாசமான பாடல் ரிலீஸ் ஆகிடுச்சே!..

நடிகர் ஃபஹத் பாசில் நடிப்பில் உருவாகி வரும் புதிய திரைப்படம் டோண்ட் ட்ரபுள் தி ட்ரபுள். சமீபத்தில் வெளியான இப்படத்தின் டீசர் ரசிகர்களிடையே கவனம் பெற்ற நிலையில், தற்போது படத்தின் கேக்கு வாக்கு என்ற வீடியோ பாடலை படக்குழு வெளியிட்டுள்ளது.

அறிமுக இயக்குநர் ஷஷாங்க் எலெட்டி இயக்கும் இப்படத்தில் ஃபஹத் பாசில் கதாநாயகனாக நடிக்கிறார்.பிரம்மாண்ட இயக்குநர் ராஜமெளலி தயாரிக்கும் இப்படத்தை பிரபல இசையமைப்பாளர் கால பைரவா இசையமைத்துள்ளார். 

வீடியோவில் ஃபஹத் பாசிலின் தனித்துவமான நடிப்பும், அவரது எனர்ஜியான நடன அசைவுகளும் ரசிகர்களை கவரும் வகையில் அமைந்துள்ளன. குறிப்பாக அவரது கதாபாத்திரத்தின் தோற்றமும் உடல்மொழியும் ‘ஆவேசம்’ படத்தில் அவர் நடித்த ரங்கா கதாபாத்திரத்தை நினைவுபடுத்தும் வகையில் இருப்பதாக ரசிகர்கள் கருத்து தெரிவித்து வருகின்றனர். நடிகை சாராவும் இந்த இசை வீடியோவில் இடம்பெற்றுள்ளார்.

‘Cakeu Walku’ பாடல் வெளியீட்டின் மூலம் படத்தின் இசைப் பணிகளும் அடுத்த கட்டத்தை எட்டியுள்ளன. ஏற்கனவே டீசர் மூலம் கவனம் பெற்ற ‘Don’t Trouble the Trouble’ திரைப்படம், வரும் செப்டம்பர் 11, 2026 அன்று திரையரங்குகளில் பிரம்மாண்டமாக வெளியாகத் தயாராகி வருகிறது.