×

தொடர்ந்து தள்ளி போகும் தலைவி... கங்னா கொடுத்த சூப்பர் விளக்கம்

இப்படத்தின் ரிலீஸ் தேதி குறித்து சமூக வலைதளங்களில் தகவல் பரவி வந்த நிலையில், நடிகை கங்கனா அதுகுறித்து விளக்கம் அளித்துள்ளார்.
 
Thalaivi

ஏ.எல்.விஜய் இயக்கத்தில் கங்கனா ரணாவத், அரவிந்த் சாமி நடிப்பில் உருவாகி உள்ள திரைப்படம் தலைவி.

மறைந்த முன்னாள் முதல்வர் ஜெயலலிதாவின் வாழ்க்கை வரலாற்றை தழுவி இப்படம் தயாராகி இருக்கிறது.

இதில் ஜெயலலிதா வேடத்தில் கங்கனாவும், எம்.ஜி.ஆர் வேடத்தில் அரவிந்த் சாமியும் நடித்துள்ளார். மேலும் சமுத்திரகனி, பூர்ணா, மதுபாலா ஆகியோர் முக்கிய கதாபாத்திரங்களில் நடித்துள்ளனர்.

கொரோனா தாக்கம் காரணமாக தொடர்ந்து இரண்டு முறை இப்படத்தின் ரிலீஸ் தள்ளிப்போய் உள்ளது.

இந்நிலையில் இப்படத்தின் ரிலீஸ் தேதி குறித்து சமூக வலைதளங்களில் தகவல் பரவி வந்த நிலையில், நடிகை கங்கனா அதுகுறித்து விளக்கம் அளித்துள்ளார்.

அவர் கூறியதாவது: தலைவி படத்தின் ரிலீஸ் தேதி இன்னும் முடிவு செய்யப்படவில்லை. வதந்திகளை நம்ப வேண்டாம். நாடு முழுவதும் திரையரங்குகள் திறக்கப்பட்ட பிறகு தலைவி படத்தை வெளியிடுவோம் " என தெரிவித்துள்ளார்.

From around the web

Trending Videos

Tamilnadu News