கட்டா குஸ்தி 2 பிளாக்பஸ்டர்!.. விஷ்ணு விஷால் வின் பண்ணிட்டார்!.. டிவிட்டர் விமர்சனம்!..

விஷ்ணு விஷால், ஐஸ்வர்யா லட்சுமி நடித்து ஏற்கனவே வெளியான கட்டா குஸ்தி திரைப்படம் விஷ்ணு விஷாலுக்கு ஒரு சூப்பர் ஹிட் படமாக அமைந்தது. இந்த நிலையில்தான் இன்று இந்த படத்தின் இரண்டாம் பாகம் உலகமெங்கும் வெளியாகியிருக்கிறது. முதல் பாகத்தை இயக்கிய செல்லா ஐய்யாவு இந்த படத்தையும் இயக்கியுள்ளார்.

படத்தில் விஷ்ணு விஷால், ஐஸ்வர்யா லட்சுமி, கருணாஸ் உள்ளிட்ட பலரும் நடித்திருக்கிறார்கள். காமெடி, ஸ்போர்ட்ஸ் மற்றும் குடும்ப செண்டிமெண்ட் எல்லாம் கலந்து இந்த படத்தை உருவாக்கியுள்ளனர். இந்த படத்திற்கு சீன் கோல்டன் இசையமைத்திருக்கிறார்..

இந்த படம் இன்று காலை தியேட்டரில் வெளியாகும் நிலையில் நேற்று இரவு சில முக்கிய ஊடகங்கள் மற்றும் செய்தியாளர்களிடம் படம் திரையிட்டு காண்பிக்கப்பட்டது. படம் பார்த்த பலரும் படம் நன்றாக இருப்பதாக ட்விட்டரில் பதிவிட்டு வருகிறார்கள். பிரபல சினிமா விமர்சகர் பிரசாந்த் தனது டிவிட்டர் பக்கத்தில் ‘விஷ்ணு விஷால் மீண்டும் செய்து காட்டியிருக்கிறார்.. கண்டிப்பாக இந்த படம் மற்றொரு பிளாக் பாஸ்டர்.. நல்ல ஒரு பொழுதுபோக்கு திரைப்படம்.. படம் குடும்பத்தின் மதிப்புகளையும் பேசுகிறது.. கருணாஸின் காமெடி செம ஃபன்’ என பதிவிட்டிருக்கிறார்..

மற்றொருவர் ‘கட்டா குஸ்தி 2 வின்னர்.. பக்கா கமர்சியல் ஃபேமிலி பொழுதுபோக்கு திரைப்படம்.. முதல் பாதி இரண்டாம் பாதி இரண்டுமே சூப்பர்.. குறிப்பாக இரண்டாம் பாதியில் வரும் கருணாஸின் காமெடிகள் சிரிக்க வைக்கிறது.. குழந்தை நட்சத்திரமாக நடித்துள்ள சிறுமியும் சூப்பர்.. படத்தில் முதல்வர் விஜய் பற்றிய ரெஃப்ரன்ஸ் வருகிறது.. தியேட்டரில் விசில் பறக்கும்.. கேமியோ ஒர்க் அவுட் ஆகியிருக்கிறது ..படத்தின் கிளைமாக்ஸ் காட்சியில் அடுத்த பாகத்திற்கு லீட் வைக்கிறார்கள்.. குடும்பத்துடன் பார்க்க வேண்டிய திரைப்படம்’ என ஒருவர் பதிவிட்டிருக்கிறார்..படம் பார்த்தவர்கள் இப்படி பாசிட்டிவான விமர்சனங்களை சொல்லி வருவதால் கட்டாகுஸ்தி 2 கண்டிப்பாக விஷ்ணு விஷாலுக்கு ஒரு ஹிட் படமாக அமையும் என கணிக்கப்படுகிறது..