Kara: தனுஷோட சம்பளமாவது வருமா?.. 3வது நாளிலேயே படுத்துடுச்சே!. கர வசூல் இவ்ளோதானா?!..

போர்த்தொழில் படத்தை இயக்கிய விக்னேஷ் ராஜா இயக்கத்தில் தனுஷ், மமிதா பைஜூ, கே.எஸ்.ரவிக்குமார், சூரஜ் வெஞ்சரமுடு, ஜெயராம், பிருத்வி உள்ளிட்ட பலரும் நடித்து கடந்த ஏப்ரல் 30ம் தேதி வெளியான திரைப்படம் கர. கடந்த சில வருடங்களாகவே தனுஷ் சீரியசான படங்களில் நடித்து வரும் நிலையில் கர படமும் ஒரு சீரியசான படமாகவே வெளியாகி கலவையான விமர்சனங்களை பெற்றுள்ளது.

இந்த படத்தில் தனுஷ் உட்பட அனைத்து நடிகர்களின் நடிப்பும் பாராட்டை பெற்றாலும் படத்தில் கதை என பெரிதாக ஒன்றுமில்லை என்பது பெரிய குறையாக இருக்கிறது. படத்தில் சொல்லப்படும் கதை ரசிகர்களால் ஏற்க முடியாததாக இருக்கிறது. இட்லி கடை படத்தை ஒட்டிய கதையாகவே இந்த படமும் இருக்கிறது. அதில் அப்பாவுக்காக மீண்டும் கிராமத்துக்கு வந்து ஹோட்டல் வைக்க தனுஷ் ஆசைப்படுவார். கர படமும் அப்படித்தான்..

அதோடு படத்தின் முதல் பாதியில் பல அழுகாட்சி ட்சிகள் இடம் பெற்றிருந்தது ரசிகர்களுக்கும் பிடிக்கவில்லை. முதல் நாள் இந்த திரைப்படம் 6.20 கோடியும், 2ம் நாள் 6.95 கோடியும், 3ம் நாளான நேற்று 5.20 கோடியும் இப்படம் வசூல் செய்திருப்பதாக சொல்லப்படுகிறது. ஒரு படத்திற்கு வரவேற்பு கிடைத்தால் வசூல் அதிகரிக்கும். ஆனால் மூன்றாவது நாளில் கர படத்தின் வசூல் குறைந்திருக்கிறது. எனவே கர திரைப்படம் பாக்ஸ் ஆபிஸில் பெரிய ஹிட் அடிக்காது என்று எதிர்பார்க்கப்படுகிறது..

தனுஷ் ஒரு படத்தில் நடிப்பதற்கு 50 கோடி வரை சம்பளம் வாங்குகிறார். கர படம் தியேட்டரில் இதை வசூல் செய்யுமா என்கிற சந்தேகம் எழுந்திருக்கிறது.