தமிழ்நாட்டிலேயே கருப்பசாமி தாண்டவம்!.. 200 கோடி வசூல் உறுதி என காலரை தூக்கிவிட்ட தயாரிப்பாளர்!..

தமிழ் சினிமாவில் இந்த ஆண்டின் மிகப்பெரிய வெற்றிப் படமாக நடிகர் சூர்யாவின் ‘கருப்பு’ திரைப்படம் உருவெடுத்து வருகிறது. வெளியான முதல் நாளிலிருந்தே ரசிகர்களின் மாபெரும் வரவேற்பைப் பெற்ற இந்த படம், தற்போது தமிழ்நாடு பாக்ஸ் ஆபிஸில் ₹150 கோடிக்கும் அதிகமான வசூலை எட்டி புதிய சாதனையை படைத்துள்ளது.

படத்தின் வெற்றியை கொண்டாடும் வகையில் தயாரிப்பு மற்றும் வெளியீட்டு தரப்புகள் தொடர்ந்து மகிழ்ச்சியை பகிர்ந்து வருகின்றன. குறிப்பாக சக்தி ஃபில்ம் ஃபக்ட்ரி நிறுவனம் வெளியிட்டுள்ள பதிவில், “தடுத்து நிறுத்த முடியாத பிளாக்பஸ்டர் ஆக்ரோஷத்துடன் ‘கருப்பு’ ₹150 கோடிக்கும் அதிகமான வசூல் சாதனை படைத்துள்ளது. புயல் எழும் விதத்தைப் பார்த்தால் ₹200 கோடி என்பது இனி ஒரு இலக்கே இல்லை… அது மிகவும் சுலபமாகத் தெரிகிறது. கருப்பன் வேற லெவல் ஆட்டம் நாளுக்கு நாள் பெரிதாகிக்கொண்டே போகிறது” என்று குறிப்பிடப்பட்டுள்ளது.

இப்படத்தில் சூர்யாவின் மாஸ் தோற்றம், அதிரடி காட்சிகள், உணர்ச்சி கலந்த திரைக்கதை மற்றும் இசை ரசிகர்களிடையே பெரும் வரவேற்பைப் பெற்றுள்ளன. குடும்ப ரசிகர்கள் முதல் இளைஞர்கள் வரை அனைத்து தரப்பினரையும் கவர்ந்துள்ள ‘கருப்பு’, திரையரங்குகளில் ஹவுஸ்ஃபுல் காட்சிகளுடன் வெற்றிநடை போட்டு வருகிறது.

மேலும், சமூக வலைதளங்களிலும் ‘கருப்பு’ திரைப்படம் குறித்து ரசிகர்கள் தொடர்ந்து கொண்டாட்ட பதிவுகளை பகிர்ந்து வருவது குறிப்பிடத்தக்கது. பல திரையரங்குகளில் ரசிகர்கள் பட்டாசு வெடித்து, பேனர் மற்றும் கொண்டாட்டங்களுடன் சூர்யாவின் வெற்றியை கொண்டாடி வருகின்றனர்.

இந்த மாபெரும் வெற்றிக்காக ரசிகர்களுக்கு படக்குழு சார்பில் நன்றியும் தெரிவிக்கப்பட்டுள்ளது. “இந்த பிரம்மாண்டமான கொண்டாட்டத்திற்கு ரசிகர்களுக்கு மிகப்பெரிய நன்றி” என தயாரிப்பு தரப்பு உணர்ச்சிபூர்வமாக தெரிவித்துள்ளது.

தற்போதைய வசூல் வேகத்தைப் பார்த்தால், ‘கருப்பு’ மிக விரைவில் தமிழ்நாட்டிலேயே ₹200 கோடி கிளப்பிலும் இணையலாம் என திரையுலக வட்டாரங்கள் எதிர்பார்க்கின்றன.