நானாவதி மருத்துவமனைக்கு அமிதாப் விளம்பரம் செய்கிறார் – பாதிக்கப்பட்ட பெண் குற்றச்சாட்டு!

சமீபத்தில் கொரோனா வைரஸால் பாதிக்கப்பட்ட நடிகர் அமிதாப் பச்சன் மும்பை நானாவதி மருத்துவமனையில் சிகிச்சை பெற்று குணமாகி வீடு திரும்பினார்.

சமீபத்தில் கொரோனா தொற்றால் பாதிக்கப்பட்ட நடிகர் அமிதாப் பச்சன் மும்பை நானாவதி மருத்துவமனையில் அனுமதிக்கப்பட்டார். அங்கு அளிக்கப்பட்ட சிகிச்சையில் குணமாகி வீடு திரும்பியுள்ளார். மேலும் அந்த மருத்துவமனையில் தனக்கு சிகிச்சை அளித்த மருத்துவர்கள் மற்றும் மருத்துவமனை நிர்வாகம் ஆகியவற்றுக்கு நன்றி தெரிவித்தார்.

ஆனால் இதுகுறித்து ஜான்வி மகிஜா என்ற பெண் ‘எனது தந்தைக்கு கொரோனா வைரஸ் தொற்று இல்லாத போதும் நானாவதி மருத்துவமனை பாஸிட்டிவ் என முடிவு வெளியிட்டனர். அவர்கள் பணத்தில் மட்டுமே குறியாக உள்ளனர். அமிதாப் அந்த மருத்துவமனைக்கு விளம்பரம் செய்கிறார். அவர் ,மீதிருந்த மரியாதையே போய்விட்டது.’ எனத் தெரிவித்திருந்தார்.

ஆனால் அந்த பெண்ணுக்கு பதிலளித்த அமிதாப் ‘உங்களுக்கு நடந்ததை எண்ணி நான் வருந்துகிறேன். ஆனால் என்னை அந்த மருத்துவமனையில் நன்றாக கவனித்துக் கொண்டனர். நான் அவர்களுக்கு விளம்பரம் செய்யவில்லை’ எனக் கூறியுள்ளார்.