பிகில் 20 கோடி நஷ்டம் சர்ச்சை – விளக்கமளித்த அர்ச்சனா கல்பாத்தி!

விஜய் நடித்த பிகில் படத்தால் தயாரிப்பு நிறுவனத்துக்கு 20 கோடி ரூபாய் நஷ்டம் என்று செய்தி வெளியாகி இருப்பதை தயாரிப்பாளர் அர்ச்சனா கல்பாத்தி மறுத்துள்ளார்.

தமிழ் சினிமாவின் தற்போதைய வசூல் மன்னன் என்றால் அது விஜய்தான். அவர் நடிக்கும் படங்கள் தமிழக அளவில் வரிசையாக வசூல் சாதனையை செய்து வருகின்றன. அந்த வரிசையில் அவர் கடைசியாக நடித்த பிகில் படமும் மிகப்பெரிய வெற்றி படம் என்றே சொல்லப்படுகிறது. ஆனால் தயாரிப்புத் தரப்போ தங்களுக்கு படத்தைத் தயாரித்ததில் 20 கோடி ரூபாய் நஷ்டம் என்று கணக்கு காட்டுகிறதாம்.

இதுபற்றி கோடம்பாக்கத்தில் பரபரப்பாக பேசப்பட்டு வரும் வேளையில் உண்மைக் காரணம் வேறாம். இந்நிலையில் இந்த செய்தி உண்மையில்லை என தயாரிப்பாளரின் மகளும் தயாரிப்பு நிர்வாகியுமான அர்ச்சனா கல்பாத்தி மறுத்துள்ளார். இது சம்மந்தமாக விஜய் ரசிகர்கள் என்ற டிவிட்டர் பக்கத்தில் ‘அர்ச்சனா கல்பாத்தி அந்த செய்தி உண்மையில்லை என மறுத்துள்ளார். அவர் அதுபோன்ற எந்த வொரு நேர்காணலும் கொடுக்கவில்லை.’ எனக் கூறியிருந்ததை பகிர்ந்துள்ளார். மேலும், அதில் ’உண்மை.’ எனத் தெரிவித்துள்ளார்.