படப்பிடிப்புக்காக நிஜ விமானத்தையே வெடிக்க வைத்த கிறிஸ்டோபர் நோலன்!

ஹாலிவுட் இயக்குனர் கிறிஸ்டோபர் நோலன் தன்னுடைய டெனட் படத்துக்காக நிஜ விமானம் ஒன்றையே வெடிக்க வைத்து படம் பிடித்துள்ளார்.

ஹாலிவுட்டில் ஸை பை படங்கள் மூலமாக உலகம் முழுவதும் ரசிகர்களை ஈர்த்தவர் கிறிஸ்டோபர் நோலன். அவர் இயக்கிய இன்செப்ஷன், இண்டர்ஸ்டெல்லார் போன்ற படங்கள் எல்லாம் உலக அளவில் பிரசித்தம். இந்நிலையில் டைம் ரிவர்ஸிங் என்ற அறிவியல் கருத்தை மையமாகக் கொண்டு டெனட் என்ற படத்தை இயக்கி முடித்துள்ளார். அந்த படம் ஜூலை மாதம் வெளியாக இருக்கிறது.

இந்நிலையில் இந்த படத்தின் படப்பிடிப்பின் போது நோலன் ஒரு நிஜ விமானத்தையே வெடிக்க வைத்தது குறித்து சமீபத்தில் அளித்த நேர்காணல் ஒன்றில் கூறியுள்ளார். அதில் ’ விமானம் வெடிக்கும் காட்சியை முதலில் மினியேச்சர் செட் அமைத்து கிராஃபிக்ஸின் உதவியுடன் எடுக்கலாம் என்று தான் முதலில் நினைத்தோம். ஆனால் லொக்கேஷன் தேடிய போது பல பழைய விமானங்கள் நிற்பதைப் பார்த்தபின்புதான் உண்மையான விமானத்தையே வெடிக்க வைக்கும் யோசனை தோன்றியது. இது வேடிக்கையாக இருந்தாலும், அதுதான் எங்களுக்கு சரி என்று தோன்றியது’ எனக் கூறியுள்ளார்.