சிவகார்த்திகேயனின் டாக்டர் ரிலிஸ் தேதி பிளான் – கொரோனா வழிவிடுமா?

சிவகார்த்திகேயன் நடிக்கும் டாக்டர் படத்தின் போஸ்ட் புரொடக்‌ஷன் பணிகள் தற்போது நடைபெற்று வருகின்றன.

ஹீரோ படத்தின் தோல்விக்குப் பிறகு சிவகார்த்திகேயன் தற்போது அயலான் மற்றும் டாக்டர் ஆகிய படங்களில் நடித்துக் கொண்டு இருக்கிறார். இதில் அயலான் படம் கடந்த மூன்று ஆண்டுகளுக்கும் மேலாக தயாரிப்பில் உள்ளது. டாக்டர் குறுகிய கால தயாரிப்பாக முன்னதாகவே வெளியாக உள்ளது. விறுவிறுப்பாக நடந்த படப்பிடிப்பு கொரோனா ஊரடங்கால் நிறுத்தி வைக்கப்பட்டுள்ளது.

இந்நிலையில் தற்போது இந்த படத்தின் எடிட்டிங், வி எஃப் எக்ஸ் மற்றும் பின்னணி வேலைகள் நடைபெற்றுக் கொண்டிருக்கின்றன. ஊரடங்கு முடிந்ததும் மீதி படப்பிடிப்புகளை முடித்து கிறிஸ்துமஸ் விடுமுறையில் படத்தை திரையிட முடிவு செய்துள்ளது படக்குழு. கே ஜே ஆர் நிறுவனம் தயாரிக்கும் இந்த படத்தை கோலமாவு கோகிலா புகழ் நெல்சன் இயக்க, வினய், பிரியங்கா மோகன் மற்றும் யோகி பாபு ஆகியவர்கள் நடிக்கின்றனர்.