ரோல்ஸ் ராய்ஸில் ஆட்டோ ஓட்டுநர்களை அழைத்துச் சென்ற லெஜெண்ட் சரவணன்..3000 பேருக்கு நலத்திட்ட உதவிகள்!
விஜயதசமியை முன்னிட்டு அகில இந்திய லெஜெண்ட் சரவணன் தலைமை ரசிகர் மன்றம் சார்பில், 3,000 ஆட்டோ ஓட்டுநர்களுக்கு நலத்திட்ட உதவிகள் வழங்கும் நிகழ்ச்சி நடைபெற்றது. இதில் நடிகரும் தயாரிப்பாளருமான லெஜெண்ட் சரவணன் கலந்துகொண்டு உதவிகளை வழங்கினார்.
ஆட்டோ ஓட்டுநர்களின் நலனை கருத்தில் கொண்டு ஏற்பாடு செய்யப்பட்ட இந்த நிகழ்ச்சியில் ஏராளமானோர் பங்கேற்றனர். விழாவிற்கு வந்த லெஜெண்ட் சரவணனுக்கு உற்சாக வரவேற்பு அளிக்கப்பட்டது. தொடர்ந்து ஆட்டோ ஓட்டுநர்களுக்கு தேவையான நலத்திட்ட உதவிகளை அவர் வழங்கினார்.
நிகழ்ச்சியின் சிறப்பம்சமாக, மூன்று ஆட்டோ ஓட்டுநர்களை தனது ரோல்ஸ் ராய்ஸ் காரில் அமர வைத்து, விழா நடைபெற்ற வளாகத்தை லெஜெண்ட் சரவணன் சுற்றி வந்தார். விலையுயர்ந்த சொகுசு காரில் பயணம் செய்த அந்த தருணம் ஆட்டோ ஓட்டுநர்களுக்கு மறக்க முடியாத அனுபவமாக அமைந்தது.
ஒருபுறம் 3,000 ஆட்டோ ஓட்டுநர்களுக்கு நலத்திட்ட உதவிகள், மறுபுறம் அவர்களில் சிலருடன் ரோல்ஸ் ராய்ஸ் காரில் பயணம் என லெஜெண்ட் சரவணனின் செயல்கள் நிகழ்ச்சியில் கவனம் ஈர்த்தன.
விஜயதசமியை முன்னிட்டு நடைபெற்ற இந்த விழா, நலத்திட்ட உதவிகளை வழங்கியதோடு மட்டுமல்லாமல் ஆட்டோ ஓட்டுநர்களை சிறப்பிக்கும் நிகழ்வாகவும் அமைந்தது.
விஜயதசமியை முன்னிட்டு, அகில இந்திய லெஜெண்ட் சரவணன் தலைமை ரசிகர் மன்றம் சார்பில், 3,000 ஆட்டோ ஓட்டுநர்களுக்கு நலத்திட்ட உதவிகளை வழங்கியதில் மகிழ்ச்சி! 🙏🏻❤️ #LegendSaravanan #லெஜெண்ட்_சரவணன் @onlynikil https://t.co/US2TfQDIEG
— Legend Saravanan (@yoursthelegend) October 19, 2026