×

இறந்த குழந்தைக்கு அறுவை சிகிச்சை செய்யமாறு கடிதம்!

குடும்ப வன்முறைகளிலிருந்து குழந்தைகளைக் காப்பாற்றுவது பெரும் விவாதமாக மாறத் தொடங்கியிருக்கும் இந்த ஊரடங்கு சமயத்தில், குடும்ப பகை காரணமாக குழந்தை பெட்ரோல் ஊற்றி எரிக்கப்பட்ட சம்பவத்தால் தமிழகம் முழுக்க அதிர்ச்சி அதிர்வலைகள் கிளம்பியுள்ளன.

 

இந்நிலையில் முற்றிலும் அலட்சியமான ஒரு கடிதத்தை விழுப்புரம் மாவட்ட ஆட்சியருக்கு அனுப்பியுள்ளது தேசிய குழந்தைகள் உரிமைப் பாதுகாப்பு ஆணையம் (NCPCR).

விழுப்புரம் மாவட்டம் சிறுமதுரை அருகே குடும்பப் பகை காரணமாக பெட்ரோல் ஊற்றி கொளுத்தப்பட்ட சிறுமி நேற்று சிகிச்சைப்பல்னின்றி மருத்துவமனையில் உயிரிழந்தார். இதற்குக் காரணமான அதிமுகவைச் சேர்ந்த இருவரையும் கைது செய்துள்ளது காவல்துறை. அரசியல்வாதிகளும், குழந்தைகள் நல அமைப்புகளும் இதனைக் கண்டித்து அறிக்கைகள் வெளியிட்டு வந்தன.

இந்நிலையில், தேசிய குழந்தை உரிமைகள் பாதுகாப்பு நல ஆணையத்தின் உறூப்பினரான ஆர்.ஜி.ஆனந்த் விழுப்புரம் மாவட்ட ஆட்சியருக்கு கடிதம் ஒன்றை எழுதியுள்ளார். அந்தக் கடிதத்தில் இரண்டாவது பத்தியில், விழுப்புரம் மாவட்டத்தை சேர்ந்த 14 வயது சிறுமி அதிமுகவை சேர்ந்த இருவரால் தீ வைக்கப்பட்டு விழுப்புரம் மருத்துவக்கல்லூரி மருத்துவமனையில் சிகிச்சைப் பலனின்றி மே 11ஆம் தேதி இறந்துவிட்டாள்” என்று குறிப்பிடப்பட்டிருந்தது.

இந்த விவகாரத்தை ஆய்வு செய்யும்படியும், இளஞ்சிறார் நீதிச் சட்டம் 2015 மற்றும் இந்திய தண்டனைச் சட்டத்தின் கீழ் நடவடிக்கைகள் எடுக்க வேண்டும் என்றும் கேட்கப்பட்டிருந்தது.

ஆனால், அடுத்த வரியிலேயே “ குறிப்பிடப்பட்ட அந்தச் சிறுமிக்கு வேண்டிய மருத்துவ சிகிச்சைகளையும் தேவையான அறுவை சிகிச்சைகளையும் வழங்க வேண்டும்” என்று கேட்டு ஆச்சரியத்தை ஏற்படுத்தியுள்ளது அந்தக் கடிதம்.

From around the web

Trending Videos

Tamilnadu News