×

குட்டி தம்பியை தாலாட்டு பாடி தூங்க வைக்கும் - KGF ஹீரோவின் மகள்!

இந்திய சினிமாவையே திரும்பி பார்க்கவைத்த பிரமாண்ட படைப்பான பாகுபலி தமிழ் , தெலுங்கு சினிமாவுலகில் மாபெரும் வரலாற்று சாதனையை படைத்தது. அதனை அடுத்து முதன் முறையாக கன்னட படமொன்று தமிழில் வெளியாகி மாபெரும் வெற்றி பெற்றதென்றால் அது நடிகர் யாஷ் நடித்த கே ஜி எப் திரைப்படம்.

 

கன்னட சினிமாவின் ராக்கிங் ஸ்டாராக திகழும் நடிகர் யாஷ் ஒட்டுமொத்த தென்னிந்திய சினிமா ரசிகர்களுக்கும் பேவரைட் ஹீரோவாக திகழ்ந்து வருகிறார்.     இந்த படத்தில் தனது அற்புதமான நடிப்பினை வெளிப்படுத்தி இந்திய சினிமாவுலகில் பரவலான ரசிகர்கள் பட்டாளத்தை உருவாக்கிக்கொண்டார். அதுமட்டுமின்றி இதுவரை வெளிவந்த கன்னட திரைப்படங்களிலேயே அதிக பொருட்செலவில் உருவாகி கன்னட சினிமா வரலாற்றிலேயே அதிக வசூல் படைத்த படம் என்ற சாதனையை செய்தது.

இந்த படத்தின் மூலம் தன்னை உலகறிய செய்த நடிகர் யாஷ் கடந்த 2016ம் ஆண்டு ராதிகா என்பவரை காதலித்து திருமணம் செய்துகொண்டார். இவர்களுக்கு அய்ரா என்ற பெண் குழந்தை மற்றும் ஆயுஷ் என்ற மகன் உள்ளனர். இது கொரோனா ஊரடங்கு சமயம் என்பதால் யாஷ் தனது முழு நேரத்தை குழந்தைகளுடன் செலவிட்டு வருகிறார். மேலும் அவர்களது கியூட்டான வீடியோக்களை வெளியிட்டு ரசிகர்களை குஷி படுத்துவார்.

அந்தவகையில் தற்போது தனது செல்ல மகள் அய்ரா அவரது தம்பி ஆயுஷை தாலாட்டு பாடி தூங்க வைக்கும் செம கியூட் வீடியோ ஒன்றை  ராதிகா பண்டிட் தனது இன்ஸ்டாவில் வெளியிட்டுள்ளார். இந்த வீடியோ கன்னட சினிமா ரசிகர்களை மட்டுமின்றி ஒட்டுமொத்த யாஷ் ரசிகர்களையும் வெகுவாக ஈர்த்துள்ளது. பாப்பா அய்ராவின் பாசத்தை அனைவரும் பாராட்டி வருகின்றனர்.

From around the web

Trending Videos

Tamilnadu News