ரீ-ரிலீஸிலும் மாஸ் காட்டும் மங்காத்தா!. முதல் நாள் வசூல் இவ்வளவு கோடியா?!…

வெங்கட் பிரபு இயக்கத்தில் அஜித்குமார் நடித்த 201ம் வருடம் வெளியான திரைப்படம்தான் மங்காத்தா. இந்த படம் அஜித்தின் 50-வது படமாக அமைந்தது. பொதுவாக தமிழ் சினிமாவில் ஹீரோ நல்லவராக இருப்பார்.. கெட்டவன் என ஒரு வில்லனை காட்டுவார்கள்.. ஆனால் இந்த படத்தைப் பொறுத்தவரை அஜித் உட்பட எல்லா கதாபாத்திரங்களுமே கெட்டவர்கள்தான்.

ஆனாலும் இந்த படத்தை ரசிகர்கள் ரசித்தார்கள். இந்த படத்திலிருந்துதான் ஹீரோவை கெட்டவனாக காட்டினாலும் ஹிட் என்கிற நிலை தமிழ் சினிமாவில் உருவானது. மங்காத்தா பல கோடி வசூலையும் பெற்றது. ஒருபக்கம், யுவன் சங்கர் ராஜா இசையில் பாடல்கள் சூப்பர் ஹிட் அடித்தது

இந்தப் படத்தில் திரிஷா, வெங்கட் பிரபுவின் தம்பி பிரேம்ஜி. வைபவ், மகத் ராகவேந்திரன், அர்ஜுன், அஞ்சலி உள்ளிட்ட பலரும் நடித்திருந்தனர். இந்நிலையில்தான், மங்கக்கா திரைப்படம் நேற்று ரீ-ரிலீஸ் செய்யப்பட்டது. தமிழகத்தில் உள்ள பல திரையரங்குகளிலும் இப்படம் வெளியானது.

அஜித்தின் குட் பேட் அக்லி வெளியாகி பல மாதங்கள் ஆகிவிட்ட நிலையில்லும், அவரின் அடுத்த படம் என்னவென்று தெரியாத நிலையிலும் மங்காத்தா படம் ரிலீஸ் செய்யப்பட்டதால் இந்த படத்தை அஜித் ரசிகர்கள் கொண்டாடி வருகிறார்கள். இந்நிலையில்தான் மங்காத்தா திரைப்படம் வெளியான முதல் நாளிலேயே தமிழகத்தில் 5.50 கோடி வசூல் செய்துள்ளதாக தகவல் வெளியாகியுள்ளது.