×

மிரட்டிய மாஸ்டர் டீஸர்... என்ன சொல்கிறார் தெரியுமா?

லோகேஷ் கனகராஜ் இயக்கத்தில் விஜய், விஜய் சேதுபதி உள்ளிட்டோர் நடித்துள்ள மாஸ்டர் படத்தின் டீஸரை தீபாவளி பண்டிகை ஸ்பெஷலாக வெளியிட வேண்டும் என்று விஜய் ரசிகர்கள் கோரிக்கை விடுத்து வந்தார்கள். 

 

இதையடுத்து அவர்களின் கோரிக்கையை ஏற்று நவம்பர் 14ம் தேதி மாலை 6 மணிக்கு டீஸர் வெளியாகும் என்று லோகேஷ் கனகராஜ் நேற்று முன்தினம் ட்வீட் செய்தார்.

இதையடுத்து விஜய் ரசிகர்கள் இன்று காலை முதலே #MasterTeaserDay என்கிற ஹேஷ்டேகுடன் ட்வீட் செய்து கொண்டிருக்கிறார்கள். இதனால் #MasterTeaserDay ஹேஷ்டேக் ட்விட்டரில் தேசிய அளவில் டிரெண்டாகி வருகிறது.

இந்நிலையில் அறிவித்தபடி மாஸ்டர் டீஸரை வெளியிட்டுள்ளனர். டீஸரை பார்த்தார் வாத்தியான விஜய் வில்லங்க பார்ட்டி என்பது தெரிகிறது. ஒரு வாத்திக்கு எங்க இருந்து இவ்ளோ தைரியம் வந்துச்சு என்று கேட்கிறார் விஜய் சேதுபதி. டீஸரில் விஜய் கெத்தாக இருக்கிறார். விஜய்யும், விஜய் சேதுபதியும் நேரடியாக மோதும் காட்சிகளை எதிர்பார்த்தால் அப்படி எதுவும் இல்லை. அது மட்டும் தான் ஏமாற்றம்.

டீஸரை பார்த்த ரசிகர்கள் கூறியிருப்பதாவது, டீஸர் வெறித்தனம். விஜய்ணா ஸ்டைலா, மாஸா இருக்கார். நன்றி லோகேஷ் கனகராஜ். ஒவ்வொரு ஃபிரேமும் அருமை. பார்த்து பார்த்து எடுத்திருக்கிறார் லோகேஷ் கனகராஜ். இந்த டீஸரே போதும். இந்த தீபாவளி முழுமை பெற்றுவிட்டது.

இந்த டீஸாரை பார்க்க இத்தனை நாட்களாக காத்திருந்தது வீண் போகவில்லை என்று தெரிவித்துள்ளனர். மாஸ்டர் படத்தை ஏப்ரல் மாதம் 9ம் தேதியே ரிலீஸ் செய்ய திட்டமிட்டார்கள். ஆனால் மார்ச் மாதமே கொரோனா வைரஸ் பிரச்சனை விஸ்வரூபம் எடுக்கவே ரிலீஸ் தேதியை தள்ளிப் போட்டார்கள். 

கொரோனா பிரச்சனையால் மார்ச் மாதம் மூடப்பட்ட தியேட்டர்கள் கடந்த 10ம் தேதி தான் திறக்கப்பட்டன. இருப்பினும் மாஸ்டரை தீபாவளிக்கு ரிலீஸ் செய்யாமல் அடுத்த ஆண்டு பொங்கலுக்கு வெளியிட திட்டமிட்டுள்ளார்கள்.

From around the web

Trending Videos

Tamilnadu News