குஷ்பு மகளுடன் ஜோடி போட்ட தனுஷ் அக்கா மகன்!.. அட்டாக்கர் பட பூஜை இனிதே ஆரம்பம்!..

தனுஷ் மருமகன் பவிஷ் ஹீரோவாக அறிமுகமான நிலவுக்கு என்மேல் என்னடி கோபம் படம் அவருக்கு பெரிதாக ஓடவில்லை. ஆனால், தொடர்ந்து படங்களில் நடித்து வருகிறார். லவ்வோ லவ் திரைப்படம் விரைவில் திரைக்கு வரவுள்ள நிலையில், அடுத்து அவர் நடிக்கவுள்ள ‘அட்டாக்கர்’ திரைப்படத்தின் பூஜை புகைப்படங்களும் வீடியோக்களும் சமூக வலைதளங்களில் வைரலாகி வருகின்றன. 

கைப்பந்து விளையாட்டை மையமாகக் கொண்டு உருவாகிறது. அறிமுக இயக்குநர் தாமோ நாகபூஷணம் இயக்கும் இந்த படத்தில், சமீபத்தில் வெளியான நிலவுக்கு என் மேல் என்னடி கோபம் திரைப்படத்தின் மூலம் கவனம் பெற்ற பாவிஷ் கதாநாயகனாக நடிக்கிறார். மேலும், நடிகர் மற்றும் தயாரிப்பாளரான சுந்தர் சி. மற்றும் நடிகை குஷ்பு சுந்தர் ஆகியோரின் மகளான அவந்திகா சுந்தர் இந்தப் படத்தின் மூலம் கதாநாயகியாக தமிழ் சினிமாவில் அறிமுகமாகிறார்.

குறிப்பாக, இயக்குநர் பா. ரஞ்சித் தனது சொந்த ஊரில் கைப்பந்து விளையாட்டை ஊக்குவிக்க மேற்கொண்ட நிஜ வாழ்க்கை முயற்சிகளிலிருந்து இந்தக் கதைக்கு முக்கிய உத்வேகம் கிடைத்துள்ளதாக கூறப்படுகிறது.

இந்தப் படத்தை சினிமா மீடியா நிறுவனத்தின் சார்பில் தயாரிப்பாளர் தினேஷ் ராஜ் தயாரிக்கிறார். இயக்குநர் பா. ரஞ்சித்தின் முன்னாள் உதவியாளரான தாமோ நாகபூஷணம் இயக்கும் முதல் திரைப்படம் என்பதாலும், கைப்பந்து விளையாட்டை முழுமையாக மையமாகக் கொண்ட முதல் தமிழ் திரைப்படம் என்ற அடையாளத்தாலும் ‘அட்டாக்கர்’ திரைப்படத்திற்கு தற்போது சிறப்பு கவனம் கிடைத்துள்ளது.

இதற்கிடையில், அவந்திகா சுந்தருக்கு சமீபத்தில் திருமணம் நிச்சயிக்கப்பட்டிருப்பதாக தகவல்கள் வெளியாகியுள்ள நிலையில், அவர் தனது திரைப்பயணத்தை இந்தப் படத்தின் மூலம் தொடங்குவது ரசிகர்கள் மத்தியில் கூடுதல் ஆர்வத்தை ஏற்படுத்தியுள்ளது. இன்று வெளியான பூஜை நிகழ்ச்சி புகைப்படங்கள் மற்றும் வீடியோக்கள் சமூக வலைதளங்களில் வேகமாகப் பரவி வரும் நிலையில், ‘அட்டாக்கர்’ திரைப்படம் தமிழ் சினிமாவின் அடுத்த முக்கிய விளையாட்டு படைப்பாக உருவெடுக்கும் என்ற எதிர்பார்ப்பு அதிகரித்துள்ளது.