ரொம்ப நாள் கழிச்சு ரைசா வில்சனுக்கு கிடைச்ச பட வாய்ப்பு.. மிஸ்டர் எக்ஸ் பிடிஎஸ் போட்டோக்கள் வைரல்!..

பிக் பாஸ் போட்டியாளராக முதல் சீசனில் களமிறங்கியவர் தான் ரைசா வில்சன். அதற்கு முன்னதாகவே தனுஷ், கஜோல், அமலா பால் நடித்த வேலையில்லா பட்டதாரி 2 படத்தில் கஜோல் அசிஸ்டண்ட்டாக நடித்திருப்பார். பிக் பாஸ் வீட்டில் ஹரிஷ் கல்யாண் உடன் இவருக்கு நல்ல நெருக்கம் ஏற்பட்டது.

நிகழ்ச்சி முடிந்த உடனே இருவரும் இணைந்து பியார் பிரேமா காதல் படத்தில் நடித்து ஹிட்டும் கொடுத்தனர். அடுத்து ஹரிஷ் கல்யாண் நடித்த தனுசு ராசி நேயர்களே படத்திலும் ரைசா வில்சன் இணைந்து நடித்தார். ஆனால், திடீரென ஹரிஷ் கல்யாணுக்கு திருமணமாக இவர்கள் இனைந்து நடிப்பது நின்று போனது.

ரைசா வில்சன் தனது முகத்தை அழகாக்க எடுத்த சிகிச்சை விபத்தாக மாறி அவரது முகத்தையே வீங்க வைத்த நிலையில், அந்த மருத்துவருக்கு எதிராக பஞ்சாயத்தைக் கூட்டினார். அதன் பின்னர், பெரிதாக பட வாய்ப்புகள் அமையவில்லை.

மனு ஆனந்த் இயக்கத்தில் வெளியான எஃப்ஐஆர் படத்தில் முக்கிய கதாபாத்திரத்தில் நடித்த ரைசா வில்சன் மீண்டும் மனு ஆனந்த் இயக்கிய மிஸ்டர் எக்ஸ் படத்திலும் காமினி எனும் கதாபாத்திரத்தில் முக்கிய கதாபாத்திரத்தில் கவர்ச்சி ரோலில் நடித்துள்ளார்.

ஆர்யா, கெளதம் ராம் கார்த்திக், சரத்குமார், மஞ்சு வாரியர் உடன் ரைசா வில்சன் நடித்த நிலையில், அந்த படத்தின் ஷூட்டிங் ஸ்பாட் சமயத்தில் எடுத்த போட்டோக்களை தனது இன்ஸ்டாகிராம் பக்கத்தில் பதிவிட்டு படக்குழுவுக்கு நன்றி தெரிவித்துள்ளார்.

பல பிக் பாஸ் நடிகைகள் ஆரம்பத்தில் சினிமா வாய்ப்புகள் கிடைத்தாலும் அதன் பின்னர் காணாமல் போய்விடுகின்றனர். ஓவியா, யாஷிகா ஆனந்த், ஐஸ்வர்யா தத்தா, லாஸ்லியா, ஷிவானி நாராயணன் என பலர் ஹீரோயினாக மாறினாலும் பட வாய்ப்புகள் தொடர்ந்து கிடைப்பதில்லை. அந்த வரிசையில் ரைசா வில்சனும் இணைந்த நிலையில், 2026லும் அவர் நடித்த படம் வெளியாகி உள்ளது குறிப்பிடத்தக்கது. தொடர்ந்து ரைசா வில்சனுக்கு வாய்ப்புகள் வரும் என எதிர்பார்க்கப்படுகிறது.