Cinema News

என்னோட வேற முகத்தை லியோ படத்தில் பார்ப்பீங்க… சூப்பர் தகவலை வெளியிட்ட பிக்பாஸ் பிரபலம்!

Published on August 19, 2023

லியோ படத்தில் நடித்து வரும் கதாபாத்திரங்கள் குறித்த முக்கிய தகவல்கள் சமீபத்தில் தொடர்ந்து வெளியாகி வைரலாகி வருகிறது. இப்படத்தின் முதற்கட்ட தகவல்கள் வெளியான போது டான்ஸ் மாஸ்டர் சாண்டி நடிக்க இருப்பதாக அறிவிக்கப்பட்ட போது பலரும் ஆச்சரியமாகி விட்டனர்.

ரொம்பவே காமெடியான கேரக்டர் தான் சாண்டி உடையது. டான்ஸ் மாஸ்டர் கலாவிடம் உதவியாக இருந்து பின்னர் விஜய் டிவி நிகழ்ச்சிகளில் டான்ஸ் ஆடி புகழ் பெற்றார். பின்னர் கமல்ஹாசன் தொகுத்து வழங்கி வரும் பிக்பாஸ் நிகழ்ச்சியின் மூன்றாவது சீசனில் கலந்து கொண்டு தனி அடையாளத்தினை பெற்றார். இதை தொடர்ந்து சினிமாவில் பிஸியாகி இருக்கிறார் சாண்டி.

இதையும் படிங்க: விக்ரம் தாண்டியாச்சி.. அடுத்து பொன்னியின் செல்வன்!. வசூலில் சக்கை போடு போடும் ஜெயிலர்…

லியோ கதாபாத்திரங்களின் பிறந்தநாளில் அவர்கள் கேரக்டர் குறித்து சுவாரஸ்ய வீடியோ வெளியிட்ட படக்குழு சாண்டி குறித்த எந்த வீடியோவையுமே ஜூலை மாதத்தில் வெளியிடவில்லை. இந்நிலையில் சாண்டி தன்னுடைய கதாபாத்திரம் குறித்த தகவலை வெளியிட்டார். இதுகுறித்து பேசிய சாண்டி, லியோ படத்தில் என்னோட வேற முகத்தினை பார்ப்பீங்க. காமெடி ரோல் செய்யவில்லை. இது நான் உங்களுக்கு கொடுக்கும் அப்டேட் எனத் தெரிவித்து இருந்தார்.

ஏற்கனவே ஹரோல்ட் தாஸ் வீடியோவிலேயே சாண்டி இருப்பதாக பேச்சுகள் எழுந்த நிலையில், இவர் கொடுத்து இருக்கும் ஹிண்ட்டால் ரசிகர்கள் ஒருவேளை அர்ஜூன் தாஸ் போன்று ஒரு வேடத்தில் சாண்டி வில்லன் கேங்கில் இருக்கலாம் எனக் கிசுகிசுக்கப்படுகிறது.

இதையும் படிங்க: கடன் பிரச்னையால் முடங்கிய அயலான்… படத்தின் கதையும் இணையத்தில் கசிந்ததா?

லியோ படத்தில் கேரக்டர்களின் எண்ணிக்கை எக்க்சக்கமாக எகிறி இருக்கிறார்கள். ஆனால் அதற்கேற்ப போல லியோ படம் குறித்து வெளியான வீடியோ மிகப்பெரிய அளவில் வைரலாகவே மாறி இருக்கிறது. இதனால் படம் கண்டிப்பாக நல்ல வரவேற்பினை பெறும். லோகேஷ் ஏமாற்ற மாட்டார் என்ற பலரும் கிசுகிசுத்து வருகின்றனர்.