விஜய் டிவிக்கு என்னதான் ஆச்சு? டிஆர்பியில் தொடர் மொக்கை வாங்கும் நிலைமையா?

Serial TRP: சின்னத்திரை சீரியல்களுக்கு இடையே நடக்கும் டிஆர்பி போட்டியில் இந்த முறை பெரிய அளவில் அடி வாங்கி இருக்கிறது விஜய் டிவி. அதிலும் இந்த வாரம் பெரிய அளவில் மாற்றம் ஏற்பட்டு இருப்பதும் அதிர்ச்சியை ஏற்படுத்தி உள்ளது.

விஜய் தொலைக்காட்சியில் பல மாதங்களாக முதலிடத்தில் இருந்த சிறகடிக்க ஆசை கடந்த சில வாரங்களாகவே அந்த இடத்தினை தக்க வைத்து கொள்ள முடியாமல் போராடி வருகிறது. அதிலும் இந்த முறையும் விஜய் டிவியில் இரண்டாம் இடமும், மொத்தமாக ஏழாவது இடமே கிடைத்து இருக்கிறது. 

சரியாக கதைக்களம் அமையாததே இந்த தொய்வுக்கு காரணம் எனக் கூறப்படுகிறது. விறுவிறுப்பான கதையால் விஜய் டிவியின் நம்பர் ஒன் சீரியலாக மாறி இருக்கிறது அய்யனார் துணை. எப்போதும் போல இல்லாமல் இந்த சீரியல் நான்காம் இடத்திற்குள் வந்துள்ளது. 

விஜய் டிவியின் மற்ற சீரியல்களான பாண்டியன் ஸ்டோர்ஸ் எட்டாம் இடத்திலும், பத்தாம் இடத்தில் சின்ன மருமகள் சீரியலும் இருக்கிறது. எப்போதும் போல இந்த முறையும் சன் டிவியின் கயல், சிங்கப்பெண்ணே, மூன்று முடிச்சு சீரியலே டாப் 3 இடத்தில் இருக்கிறது. 

பல மாதங்களாகவே விஜய் டிவியால் சன் டிவிக்கு சரியான போட்டியாக அமைய முடியவில்லை என கிசுகிசுக்கப்படுகிறது. விஜய் டிவியின் சீரியல்களின் கதையில் மாற்றம் ஏற்பட்டால் மட்டுமே இந்த பட்டியலில் பெரிய மாற்றம் ஏற்படலாம் என நம்பப்படுகிறது.