லப்பர் பந்து நடிகை மட்டுமில்ல!.. குஷ்பு மகளும் ‘தக் லைஃப்’ படத்துல வொர்க் பண்ணியிருக்காராம்!..

இயக்குனர் சுந்தர். சி மற்றும் குஷ்புவின் இளைய மகள் அனந்திதா சுந்தர் இன்று மணிரத்னம் இயக்கத்தில் வெளியான தக் லைஃப் படத்தில் பணியாற்றியுள்ளதாக நடிகை குஷ்பு தனது இன்ஸ்டாகிராம் பக்கத்தில் தெரிவித்துள்ளார்.

இயக்குனர் மணிவண்ணனிடம் உதவி இயக்குனராக பணியாற்றிய சுந்தர்.சி "முறை மாமன்" திரைப்படம் மூலம் இயக்குனராக அறிமுகமானார். அதை தொடர்ந்து உள்ளத்தை அள்ளித்தா, அருணாச்சலம் , அன்பே சிவம் , வின்னர் , கலகலப்பு , அரண்மனை, மத கஜ ராஜா போன்ற பல ஹிட் படங்களை கொடுத்துள்ளார். இயக்குவதையடுத்து நடிப்பு மற்றும் தயாரிப்பிலும் ஈடுப்பட்டு வருகின்றார்.

சுந்தர்.சி நடிகை குஷ்புவை திருமணம் செய்துக்கொண்டார். இவர்களுக்கு அவந்திகா, அனந்திகா என இரு மகள்கள் உண்டு. இதில் இளைய மகள் அனந்திகா மணிரத்னம் இயக்கியுள்ள தக் லைஃப் படத்தில் உதவி இயக்குனராக பணிபுரிந்துள்ளதாக தனது இன்ஸ்டாகிராம் பக்கத்தில் தெரிவித்துள்ளார்.

மேலும், ஒரு தாயாக மகளின் பெயர் உதவி இயக்குனராக டைட்டிலில் பார்ப்பது ரொம்ப பெருமையா இருக்கு, காலில் எலும்பு முறிவு காரணமாக அவளால் தொடர்ந்து பணியாற்ற முடியவில்லை. அவள் சிறிது காலம் உதவி இயக்குனராக இருந்திருந்தாலும் அவள் சேகரித்த அறிவும், மணி சாரிடம் இருந்து கற்றுக்கொண்ட விஷயங்களும் அவளுடைய வாழ்நாள் முழுவதும் நீடிக்கும். இந்த அனுபவம் மிகவும் சிறப்பானது, அவளது பெயரை தவறவிடாமல் படத்தின் டைட்டிலிலும் பகிர்ந்த உங்கள் பெரிய மனதிற்கு மிக்க நன்றி என நடிகை குஷ்பு பதிவிட்டிருப்பது தற்போது வைரலாகி வருகிறது.

லப்பர் பந்து பட நடிகை சஞ்சனா கிருஷ்ணமூர்த்தியும் தக் லைஃப் படத்தில் உதவி இயக்குனராகவும் நடிகையாகவும் பணியாற்றியுள்ளார்.