”கருப்பா கூட வா”.. ரசிகர்களை சாமியாட வைக்கப் போகும் சூர்யா!.. ஆர்ஜே பாலாஜி அப்டேட்!

ஆர்.ஜே.பாலாஜி இயக்கத்தில் உருவாகியுள்ள கருப்பு படம் வருகின்ற மே 14ம் தேதி ரிலீஸாகவுள்ள நிலையில் இன்று மாலை அப்படத்தின் பாடல் ஒன்று வெளியாகப் போவதாக அவர் தனது எக்ஸ் தளத்தில் பதிவிட்டுள்ளார்.

ட்ரீம் வாரியர் பிக்சர்ஸ் தயாரித்துள்ள கருப்பு படத்தில் சூர்யா, த்ரிஷா, சுவாசிகா, இந்திரன்ஸ், நடராஜன் சுப்பிரமணியம், ஷிவதா, யோகி பாபு உள்ளிட்டோர் நடித்துள்ளனர். ஆர்.ஜே.பாலாஜி இயக்கும் இப்படத்தில் அவரே வில்லனாக நடித்துள்ளார். இப்படத்திற்கு எ.ஆர். ரஹ்மான் இசையமைக்க இருந்த நிலையில் அவர் விலகியதால் சாய் அபயங்கர் இசையமைத்துள்ளார்.

மேலும், கருப்பு படத்தின் இசை வெளியீட்டு விழா சமீபத்தில் மதுரையில் நடப்பெற்ற நிலையில், படக்குழு அனைவரும் பங்கேற்றனர். ஆனால், ஹீரோயின் த்ரிஷா இசை வெளியீட்டு விழாவுக்கு போகவே இல்லை. இப்படம் முழுக்க முழுக்க கம்ர்ஷியல் படமாக இருக்கும் என் தெரிவித்தார் ஆர்.ஜே.பாலாஜி. பின்னர் நடிகர் சூர்யா இந்த படத்தில் நான் ஹீரோ இல்லை கருப்பு சாமி தான் ஹிரோ என பேசியிருந்தார். சமீபத்தில் சூர்யா நடிப்பில் சில படங்கள் தொடர்ந்து தோல்வியடைந்து வந்த நிலையில் இப்படமாவது வெற்றி படமாகுமா என ரசிகர்கள் பலரும் எதிர்ப்பார்ப்புடன் உள்ளனர்.

இந்நிலையில் இன்று ஆர்.ஜே.பாலாஜி கருப்பு படத்தின் பாடல் ஒன்று வெளியாக உள்ளதாக போஸ்டை பகிர்ந்துள்ளார். சாய் அபயங்கர் இசையில் ”கருப்பா கூட வா” எனும் பாடல் கருப்புசாமியை நம்பும் கோடிக்கணக்கான மக்களின் வாழ்க்கையில் முக்கியமான பாடலாக இருக்கப் போகும் என்ற பதிவையும் பதிவிட்டுள்ளார். இப்பாடலை எப்போது கேட்டாலும் புல்லரிக்க வைப்பதாக கூறியுள்ளார்.