×

கொரோனா தமிழ்நாட்டின் தற்போதைய நிலவரம்!

உலகளவில் கொரோனா கோர தாண்டவம் ஆடி வருகிறது. பாதிப்பும் உயிரிழப்பும் நிமிடத்திற்கு நிமிடம் அதிகரித்துவருகிறது. தமிழ்நாட்டில் தினமும் பாதிக்கப்பட்டோர் பட்டியல் அதிகரித்து வந்தாலும் குணமடைந்து வீடு திரும்புவர்களின் எண்ணிக்கையும் கணிசமாக அதிகரித்து வருவதால் நம்பிக்கையளிக்கும் வகையில் உள்ளது.

 

தமிழ்நாட்டில் கொரோனா தடுப்பு நடவடிக்கைகள் ஒவ்வொரு ஊரிலும் எவ்வாறு மேற்கொள்ளப்படுகின்றன, பாதிப்புகள், உயிரிழப்பு, குணமடைந்து வீடு திரும்புதல், ஊரடங்கு எவ்வாறு பின்பற்றப்படுகிறது என முக்கிய அப்டேட்களை உடனுக்குடன் பார்க்கலாம்.

LIVE UPDATE

*தமிழ்நாட்டில் நேற்று மேலும் 72 பேருக்கு கொரோனா பாதிப்பு உறுதி செய்யப்பட்டுள்ளதைத் தொடர்ந்து மொத்த பாதிப்பு எண்ணிக்கை 1755 ஆக உயர்ந்துள்ளது.

*கொரோனாவால் நேற்று மேலும் 2 பேர் உயிரிழந்துள்ளனர். இதனால் தமிழகத்தில் கொரோனாவால் உயிரிழந்தோரின் எண்ணிக்கை 22 ஆக அதிகரித்துள்ளது.

*தமிழ்நாட்டில் குணமடைந்து வீடு திரும்புபவர்களின் எண்ணிக்கை அதிகரித்து வரும் நிலையில் நேற்று ஒரே நாளில் 114 பேர் குணமடைந்துள்ளனர். இதுவரை 866 பேர் டிஸ்சார்ஜ் செய்யப்பட்டுள்ளனர்.

*வழக்கம்போல் நேற்றும் சென்னையில்தான் பாதிப்பு அதிகம். நேற்றும் சென்னையில் 52 பேர் பாதிக்கப்பட்டது கண்டுபிடிக்கப்பட்டது.

*சென்னை, கோவை, மதுரை ஆகிய மூன்று மாநகராட்சிகளிலும் ஏப்ரல் 26 ஆம் தேதி காலை 6 மணி முதல் 29 ஆம் தேதி இரவு 9 மணி வரை, தொடர்ந்து நான்கு நாட்களுக்கு முழு ஊரடங்கிற்கு தமிழக அரசு உத்தரவிட்டுள்ளது.


*சென்னைக்கு அருகில் உள்ள செங்கல்பட்டு, காஞ்சிபுரம், திருவள்ளூர் ஆகிய மூன்று மாவட்டங்களில் சில பகுதிகளிலும் முழு ஊரடங்கு அமல்படுத்தப்படவுள்ளது.

*சேலம், திருப்பூர் மாநகராட்சிகளில் ஏப்ரல் 26 முதல் 29 வரை மூன்று நாள்களுக்கு முழு ஊரடங்கு பிறப்பிக்கப்பட்டுள்ளது.

From around the web

Trending Videos

Tamilnadu News