×

நெய்வேலியை தொடர்ந்து அடுத்தடுத்து நடைபெற்ற தீ விபத்து!... பற்றி எரியும் தொழிற்சாலைகள்!

ஆந்திர மாநிலம், விசாகப்பட்டினத்தில் இயங்கிவரும் தொழிற்சாலை ஒன்றில் அதிகாலை வாயுகசிவு ஏற்பட்டது. இந்த விபத்தில் இதுவரை 13 பேர் உயிரிழந்துள்ளனர். நூற்றுக்கணக்கானோர் மருத்துவமனையில் சிகிச்சை பெற்று வருகின்றனர்.

 

இந்த துயர சம்பவம் ஏற்படுத்தியுள்ள அதிர்ச்சி அடங்குவதற்குள், சத்தீஸ்கர் மாநிலத் தலைநகர் ராய்ப்பூரில் காகித ஆலை ஒன்றில் விஷவாயு தாக்கியதில் உடல்நிலை குன்றிய தொழிலாளர்கள் ஏழு பேர் மருத்துவமனையில் அனுமதிக்கப்பட்டுள்ளனர். அவர்களில் மூன்று பேரின் நிலை கவலைக்கிடமாக உள்ளதாக மருத்துவர்கள் தெரிவித்துள்ளனர்.

தொழிற்சாலை விபத்துகள் குறித்த செய்தி இடியாக மக்கள் மனதில் இறங்கி கொண்டிருக்க, அவர்களுக்கு மற்றொரு அதிர்ச்சியாக, நெய்வேலி அனல் மின் நிலையத்தில் இன்று மாலை பாய்லர் வெடித்து பயங்கர தீ விபத்து ஏற்பட்டது.

இதுவரை நிகழ்ந்த விபத்துகள் போதாதென்று, மகாராஷ்டிர மாநிலம், நாசிக் நகருக்கு உட்பட்ட சதன்பூர் பகுதியில் இயங்கிவரும் தனியார் தொழிற்சாலையில் பயங்கர தீ விபத்து ஏற்பட்டது.

தகவறிந்து சம்பவ இடத்துக்கு விரைந்த 10 தீயணைப்பு வாகனங்கள், தீயை அணைக்கும் முயற்சியில் ஈடுபட்டுள்ளனர். கொழுந்துவிட்டு எரிந்த தீ, பல மணிநேர போராடத்துக்கு பிறகு கட்டுக்குள் கொண்டுவரப்பட்டதாக அதிகாரிகள் தெரிவித்தனர். ஆனாலும், இந்த விபத்தால் பல கோடி ரூபாய் மதிப்புள்ள பொருள்கள் எரிந்து நாசமாகி இருக்கக்கூடும் என்று தகவல்கள் தெரிவிக்கின்றன.

From around the web

Trending Videos

Tamilnadu News