×

வெள்ளிவிழா ஆண்டில் அடி எடுத்து வைத்த காதல் கோட்டை...வெற்றிக்கு என்ன காரணம்னு தெரியுமா..?

 
kka
இதென்ன ஒரு மாயம்...ஹார்மோன் செய்யும் கோலம் என்கிறது அறிவியல் யுகம். காதலித்துப் ''பாருங்கள் வாழ்க்கையின் சுவாரசியம் புரியும். காதல் என்ற அனுபவத்தைக் கடந்து பாருங்கள். காற்றை விட லேசானதாய் உணர்வீர்கள். அது ஒரு விசித்திரமான உணர்வு. எதைச் செய்கிறோம் என்றே தெரியாது. மணிக்கணக்கில் காத்துக்கிடந்தாலும் அலுப்பு இருக்காது. சலிப்பும் வராது. எரிச்சலும் வராது. ''

பார்த்து பார்த்து ஓடி ஓடி விரட்டி விரட்டி காதலிக்கும் காலம் இது. தற்போது காதல் கைகூடாவிட்டால் கொலையும் நடக்கிறது. பார்த்து பார்த்து காதலித்த காதலும் ஒரு கட்டத்தில் கசந்து போய்விடுகிறது. இதென்ன ஒரு மாயம்...ஹார்மோன் செய்யும் கோலம் என்கிறது அறிவியல் யுகம். காதலித்துப் பாருங்கள் வாழ்க்கையின் சுவாரசியம் புரியும். காதல் என்ற அனுபவத்தைக் கடந்து பாருங்கள். காற்றை விட லேசானதாய் உணர்வீர்கள். அது ஒரு விசித்திரமான உணர்வு. எதைச் செய்கிறோம் என்றே தெரியாது. மணிக்கணக்கில் காத்துக்கிடந்தாலும் அலுப்பு இருக்காது. சலிப்பும் வராது. எரிச்சலும் வராது. 

அப்படியே வந்தால் கூட அது ஒரு பொய் கோபத்தில் தான்; போய் முடியும். அதன் பின் இன்னும் காதலில் இறுக்கம் வந்து விடும்;. காற்றுப்புக முடியாத இறுக்கம் அது. அப்படிப்பட்ட ஒரு காதல் ஒரு பக்கம் இருந்தாலும்....இப்படியும் கூட காதலிக்க முடியுமா...என்ற ஆச்சரியம் கலந்த கேள்விக்கு 25 ஆண்டுகளுக்கு முன்பே விடை சொல்லியது அகத்தியனின் காதல் கோட்டை. இப்படத்தில் அப்படி என்ன விசேஷம் என்கிறீர்களா..? பார்த்தால் தான் காதல் வரும். கண்ணோடு கண் கலந்து பேசினால் வருவதுதான் காதல் என்ற மரபை உடைத்து எறிந்து விட்டு வந்த காதல் இது. பார்க்காமலே வந்த காதல். நலம் நலமறிய ஆவல் என்ற வார்த்தைகளை வடித்த கடிதத்தின் மூலம் புறப்பட்ட காதல். இப்படிப்பட்ட தெய்வீகக் காதலாலும் இரு உள்ளங்களை இணைக்க முடியும் என்று நிரூபித்திருக்கிறது இப்படம். 

1996 ஆம் ஆண்டு இதே ஜூலை மாதம் 12ம் தேதி படம் வெளியானது. இப்படம் வெளியாகி 25வது ஆண்டில் அடி எடுத்து வைக்க உள்ளது. இப்படத்திற்கு இது வெள்ளி விழா ஆண்டு. அகத்தியன் இயக்கத்தில் வெளிவந்த இத்திரைப்படத்தில் அஜித்குமார், தேவயானி, ஹீரா, மணிவண்ணன், ராசகோபால், பாண்டு மற்றும் பலர்; நடித்துள்ளனர்.

தேவாவின் இன்னிசையில் படத்தின் பாடல்கள் அத்தனையும் தேனானவை. நலம் நலமறிய ஆவல், காலமெல்லாம் காதல் வாழ்க..., கவலைப்படாதே சகோதரா..., மொட்டு மொட்டு மலராத மொட்டு...,சிவப்பு லோலாக்கு..., வெள்ளரிக்கா பிஞ்சு வெள்ளரிக்கா...பாடல்கள் படத்தின் போக்கில் போய் நம்மை ரசிக்க வைக்கிறது. படத்தின் ஒளிப்பதிவை தங்கர்பச்சான் வெகு நேர்த்தியாக செய்துள்ளார். படத்தில் ராஜஸ்தானின் அழகை தத்ரூபமாக எடுத்துள்ளார். சிவசக்தி மூவி மேக்கர்ஸ் தயாரிப்பில் வெளியான இப்படம் அப்போது தமிழ்சினிமா உலகை புரட்டி போட்டு விட்டது. அதுவரை இருந்த அதர பழசான காதலை எடுத்தெறிந்து காதலுக்கு ஒரு புதிய இலக்கணத்தைப் புகுத்தியது இப்படம். இதற்காக தமிழ்திரையுலகமே அகத்தியனைக் கொண்டாடியது. 

படம் ஆரம்பத்தில் சாதாரணமாக ஓடினாலும்....நாள்கள் செல்ல செல்ல ஒரு புதிய டிரெண்டை உருவாக்கி படம் பிளாக் பஸ்டர் ஹிட் அடித்து விட்டது. அஜீத்குமாரின் திரை உலக வரலாற்றில் மறக்க முடியாத படமாகி விட்டது. அப்படி படத்தில் என்னதான் உள்ளது என்பதை அறிய எல்லோருக்கும் ஆவல் தான். படத்தின் இயக்குனர் அகத்தியன் என்ன சொல்கிறார் என்று பார்க்கலாம். 

''காதல் கோட்டை' படத்தோட ஒன்லைன் புறநானூறுல இருந்துதான் எடுத்தேன். கோபெருந்தேவர், பிசிராந்தையார் நட்புல இருந்து தோன்றியது. நண்பர்கள் இருவரும் கதையோட கடைசிலதான் சந்திச்சுப்பாங்க. இதைப் பற்றி படிக்கும்போது இதே மாதிரியே ஆண் பெண் ரெண்டும் பேரும் பார்க்காமல் காதலித்து படத்தோட கடைசில சந்திச்சா என்னவாகும்னு தோணுச்சு. அம்மா கிரியேஷன்ஸ் நிறுவனத்துல உட்கார்ந்து இருந்தப்போ ஒன்லைன் தோணுச்சு. உடனே எழுத ஆரம்பிச்சிட்டேன்.

படத்தோட முதல் காட்சியில கதாநாயகனும் நாயகியும் சந்திச்சிக்கிட்டாக்கூட படம் ஓட மாட்டேங்குது. நீ கடைசி காட்சியில சந்திக்க வைக்குற, கண்டிப்பா ஓடாது'னு சொன்னாங்க. சில தயாரிப்பாளர்கள் 'படம் ஓடாது. பெட்டிக்கடை வெச்சு தரட்டுமா'னுகூட கேட்டாங்க. ஒரு சிலர், 'மூணு பெண் குழந்தைங்க வெச்சிருக்க... எங்கேயாவது 2,000 ரூபாய்க்கு வேலைக்குப் போ. உனக்கெல்லாம் சினிமா ஒத்து வராது'னு அட்வைஸ் பண்ணாங்க. இந்தக் கதையை நாடகமா போட சொன்னாங்க. 'எப்படி இவ்வளவு கேவலமா கதை யோசிச்சு இருக்க. சினிமானா என்னனு தெரியுமா'னு கேட்டாங்க. 

இவங்க யாரையும் பற்றி நான் கொஞ்சமும் கவலைப்படல. ஏன்னா, இவங்க எல்லாருமே குதிரைக்கு கடிவாளம் போட்ட மாதிரியே ஒரு பக்கமா போயிட்டு இருக்கிறவங்க. 'பழையன கழிந்து புதியன புகும்'ங்கிறது தன்னம்பிக்கையா இருந்தேன். ரெண்டாவது, புதிய விஷயத்தை சிறப்பா சொல்லிட்டா மக்கள் ஏத்துக்குவாங்கனு நம்பிக்கை இருந்தது. இந்த நேரத்துலதான் சிவசக்தி பாண்டியன் சார் கூப்பிட்டார். இந்தக் கதையைதான் சொன்னேன். அவரும், என்கிட்ட வித்தியாசமான கதையைதான் எதிர்பார்த்தார். பாண்டியன் சார்க்கு ரொம்ப பிடிச்சிருந்தது. உடனே, படம் பண்ணிட்டார். படத்தோட வெற்றி விழாவின்போது, 'இந்த டிரெயின்ல ஏறாம இறங்கிக் கொண்டவர்களில் நானும் ஒருவன்'னு சொன்ன தயாரிப்பாளர்கள் இருக்காங்க. மாறுபாடான சிந்தனைதான் 25 வருஷம் தாண்டியும் படத்தைப் பற்றி பேச வெச்சிருக்குனு நினைக்கிறேன்.

தேசிய விருது ஆரம்பிச்சு கிட்டதட்ட 44 வருஷங்களுக்குப் பிறகு தமிழ்நாட்டின் சார்பா சிறந்த இயக்குநர் விருது முதல் முறையா நான் வாங்குனேன். இதுக்கு முன்னாடி, சிறந்த படம் மற்றும் திரைக்கதைக்கான விருதுதான் கிடைச்சிருக்கு. பாண்டியன் சார், 'இந்தப் படம் ரிலீஸாச்சுனா நிறைய பணம் எனக்கும், நிறைய விருது உனக்கும் கிடைக்கும்'னு சொன்னார். திரைக்கதைக்கான விருதை இந்தப் படம் வாங்கிரும்னு நம்பிக்கை வெச்சிருந்தேன். ஏன்னா, ஒவ்வொரு காட்சியை யோசிச்சு யோசிச்சு மெனக்கெட்டு பண்ணியிருந்தேன். பெஸ்ட் இயக்குநர் விருதும் வாங்குவேன்னு நினைக்கவே இல்ல.''

எப்பவும், ஹீரோவை ஃபிக்ஸ் பண்ணிட்டு கதை பண்ணதில்ல. கதையை எழுதி முடிச்சிட்டு, யார் நடிச்சா நல்லா இருக்கும்னு யோசிப்பேன். இப்படியிருக்கும்போது அஜித் சார்கூட 'வான்மதி' படம் பண்ணேன். இந்தப் படம் பண்ண தயாரிப்பு நிறுவனத்துக்கே அடுத்த படமும் பண்ணலாம்னு முடிவாச்சு. அப்போ, அஜித் சார் இந்தக் கதைல நடிக்க ரெடியா இருந்தார். எனக்கும் நல்ல இளமை துள்ளும் இளைஞர் தேவைப்பட்டார். பெண்களுக்கு மிகவும் பிடித்தமான நாயகனாக அஜித் இருந்த காலகட்டம். கதை சொல்றேன்னு சொன்னதுக்குக்கூட, ஹஅதெல்லாம் வேண்டாம் சார், செட்ல வந்து கேட்டுக்கிறேன்'னு அஜித் சொல்லிட்டார். செட்டுல ஒவ்வொரு காட்சியும் விளக்கும்போதும், காட்சியோட முந்தைய, பிந்தைய விஷயத்தை மிகத் தெளிவாகச் சொல்லுவேன். இப்படி சொல்லுறப்போ, காட்சியோட ஓட்டம் கேட்குறவங்களுக்கு புரிஞ்சிக்கிட்டு வரும். இப்படித்தான் இந்தக் கதையை அஜித் உள் வாங்கினார். மத்தபடி முழு கதையும் கேட்காமத்தான் நடிச்சு கொடுத்தார். இவரைத் தவிர வேற சாய்ஸ் எதுக்கும் நான் போகல.''

புதுமுகமான பெண் படத்துக்குத் தேவைப்பட்டாங்க. கமலிங்கிற கதாபாத்திரத்தின் தோற்றம் மாடர்ன் பொண்ணா இல்லாம மிடில் க்ளாஸ் பொண்ணா இருக்கணும்னு நினைச்சுக்கிட்டு இருந்தேன். பக்கத்து வீட்டுல, நம்ம வீட்டுல இருக்கிற பொண்ணு மாதிரி இருக்கணும்னு தேடிக்கிட்டு இருந்தப்போ, 'என்கூட ஒரு படத்துல நடிச்சாங்க. அவங்களை டெஸ்ட் பண்ணி பார்ப்போம்'னு அஜித்தான் சொன்னார். சரினு ஆபீஸ{க்கு வரச் சொல்லியிருந்தேன். வரும்போதே ரொம்ப மாடனா வந்தாங்க. காஸ்ட்டியூம் டிசைனர கூப்பிட்டு 'சேலை கொடுத்து கட்டுக்கிட்டு வரச் சொல்லுங்க'னு சொன்னேன். கதைப்படி கமலி சிடுமூஞ்சி கேரக்டர். அப்போ, தேவயானி அவங்க அம்மாகிட்ட ஏதோ கோபமா பதில் சொன்னாங்க. இதைப் பார்த்தவுடனே நம்ம கமலி கேரக்டருக்கு சரியா இருப்பாங்கனு தோணுச்சு.

உடனே, புரொடியூசர்கிட்ட இவங்க சரியா இருப்பாங்கனு சொன்னேன். 'எப்படிச் சொல்றீங்க'னு பாண்டியன் சார் கேட்டதுக்கு, 'பாடிலாங்குவேஜ், எக்ஸ்பிரஷன்ஸ் சரியா இருக்கும் சார்'னு சொன்னேன். தேவயானி, கமலி கேரக்டருக்கு சரியா பொருந்தி போயிருந்தாங்க. அதே மாதிரி தூர்தர்ஷன் சேனல்ல 'தலைவாசல்' விஜய் நடிச்ச நாடகம் பார்த்துட்டு படத்துல அவரை கமிட் பண்ணேன். 'நம்மவர்' படத்துல கரண் ரொம்ப பிரமாதமா நடிச்சிருந்தார். அவரோட பாடிலாங்குவேஜ் நல்லாயிருந்தது. 90'கள் காலகட்டத்துல இளைஞர்கள் இருந்த ஸ்டைலை நல்லா பிரதிபலிச்சிருந்தார். அதனால, கரணை சிவா கேரக்டருக்கு ஃபிக்ஸ் பண்ணிட்டேன். மணிவண்ணன் சார்கூட நேரடியான அறிமுகம் எனக்கு எப்பவும் உண்டு. ரெண்டாவது வித்தியாசமான கேர்கடர்கள்ல நையாண்டி தனத்தோட பேசுறது நல்லாயிருக்கும். இப்படிதான் ஒவ்வொரு கேரக்டரையும் கொண்டு வந்தேன். படத்தோட க்ளைமாக்ஸ் காட்சியா முதல்ல, ரெண்டு பேரும் சேராத மாதிரி ஸ்க்ரிப்ட்ல எழுதியிருந்தேன். 

புரொடியூசர்கிட்ட சொன்னப்போ, ரெண்டு பேரையும் சேர்த்து வைக்குறியா'னு கேட்டார். அதனால, அப்போதே ஸ்க்ரிப்ட்ல க்ளைமாக்ஸ் காட்சி சேர மாதிரி மாத்திட்டேன். நிறைய பேர் ஸ்பாட்ல மாத்துனேன்னு நினைச்சுக்கிட்டு இருக்காங்க. ஆனா அது உண்மையில்லை. அப்படியிருந்தா ஸ்பாட்ல திடீர்னு கமலி கிஃப்ட் கொடுத்திருந்த ஸ்வெட்டர் எப்படி வந்திருக்கும்? சென்ட்ரல் ரயில்வே ஸ்டேஷன்ல வேற 2 மணியில் இருந்து 4 மணி வரைக்கும்தான் பெர்மிஷன் கொடுத்திருந்தாங்க. அதே மாதிரி கமலி டிரெயின்ல இருந்து குதிக்குற ஷாட் ஒரே டேக்குல எடுத்தது. ஸ்டெடி கேமரா வெச்சி எடுத்தாங்க.

இயல்பாவே பாட்டு எழுதணும்னு எண்ணம் எனக்குள்ள வந்தது இல்ல. இருந்தாலும், இதுல பிராக்டீஸ் பண்ணிக்கிட்டே இருப்பேன். கவிஞர் காளிதாஸ் சார் பாட்டு எழுதும்போது பக்கத்துல உட்கார்ந்து கவனிப்பேன். 'காதல் கோட்டை' சமயத்துல நானே பாடல் எழுத வேண்டிய சூழலும் வந்திருச்சு. யாரும் எனக்கு பாடல் வரிகள் எழுத மாட்டேன்னு சொல்லிட்டாங்க. ஏன்னா, முக்கியமான சிலரின் பாடல்கள் பிடிக்கலைனு சொல்லிட்டேன். அதனால, என்னோட படங்களுக்கு பாடல் எழுத யாரும் விருப்பப்படல. ஆனா, சொன்னவங்க பின்னாளில் என்னை கூப்பிட்டு பாராட்டியும் இருக்காங்க. 

முதல்ல, 'கவலைப்படாத சகோதரா' பாட்டை எழுதினேன். இதுக்குப் பிறகு எல்லா பாடல்களும் அப்படியே எழுத ஆரம்பிச்சிட்டேன். பிறகு, என்னோட படங்கள் எல்லாத்துக்கும் பாடல்கள் எழுத ஆரம்பிச்சிட்டேன். இதுக்கு தேவா சாரும் எனக்கு உதவியா இருந்தார். எங்க இருவரின் நட்பு தேவாவின் முதல் படத்துல இருந்து தொடங்கியது. ஒளிப்பதிவாளர் தங்கர்பச்சான் சாரும் அழகான ஒளிப்பதிவு கொடுத்திருந்தார். இந்தப் படத்தை இந்தியில எடுத்தபோதும் என்கூட சேர்ந்து பயணம் செஞ்சார்;.

ஏவி.எம் ராஜேஸ்வரி தியேட்டர்ல முதல் காட்சி பார்த்தேன். கொஞ்சம் உள்ளுக்குள்ள பயமிருந்தது. 'நலம் நலமறிய ஆவல்' பாட்டு ஓடிக்கிட்டு இருந்தப்போ சிலபேர் எந்திரிச்சி வெளியே போயிட்டாங்க. கடைசி அரைமணி நேரம் தியேட்டர்ல இடைவிடமா சத்தம் போட்டுக்கிட்டே இருந்தாங்க. எதுக்கு கத்துறாங்கனு ஜட்ஜ் பண்ண முடியல. என்னோட மேனேஜர் சிவாகிட்ட, 'ஏன் இப்படி கத்துறாங்க'னு கேட்டேன். படம் ரொம்ப பிடிச்சு எமோஷன்ல கத்துறாங்கனு சொன்னார். எனக்கு அப்படி தோணலயேனு சொல்லிட்டு, திரும்பவும் மதியம் காட்சிக்கு அப்படியே உட்கார்ந்துட்டேன். அப்போதான் ஆடியன்ஸ் எந்தளவுக்கு ரசிச்சு ஆரவாரம் பண்ணியிருக்காங்கனு புரிஞ்சது. இந்தப் படம் வெற்றி பெற்றாதான், 'எனக்கு சினிமா வாழ்க்கை. இல்லனா இல்லை'னு நண்பர்கள்கிட்ட சொல்லிக்கிட்டே இருப்பேன். படம் மிகப்பெரிய வெற்றியடைஞ்சும் நானும் அஜித்தும் ஒண்ணா சேருவதற்கு அதற்குப் பிறகு சந்தர்ப்பம் கிடைக்கல.''

படத்தோட பெரிய பிளஸ் கதைதான். அடுத்து அஜீத் இந்த கதைக்கு சம்மதம் சொன்னது. அட அட என்ன அற்புதமான நடிப்பு. படத்தின் பாத்திரத்தை உணர்ந்து அப்படியே நடித்துள்ளார். இந்தப்படம் வந்த பிறகு தான் அகத்தியன் என்ற ஒரு இயக்குனரே வெளியில் தெரிந்தார். எதற்கெடுத்தாலும் அவருக்கு காதல் கோட்டை இயக்குனர் என்று பெயர் வந்தது. 

From around the web

Trending Videos

Tamilnadu News