நல்லவேளை விஜய் கார் ஓட்டிட்டு வரல!.. த்ரிஷா வைத்த பாடல்!.. இளம் தலைவர் பட்டம் வேற!..

சென்னை ஆழ்வார்பேட்டையில் உள்ள வாக்குச்சாவடியில் வாக்கை பதிவிட்ட நடிகை த்ரிஷா தனது இன்ஸ்டாகிராம் பக்கத்தில் அவரது புகைப்படத்துடன் கில்லி பட பாடலை இணைத்து வெளியிட்டுள்ளது தற்போது சமூக வலைத்தளத்தில் வைரலாகி வருகிறது.

சமீபத்தில் விஜய் மற்றும் அவரது மனைவி சங்கீதாவின் விவாகரத்து குறித்த வதந்திகளும் பேசப்பட்டு வந்த நிலையில் அந்த விவகாரத்தில், விஜய்க்கு மற்றொரு நடிகையுடன் தொடர்பு இருப்பதாக குற்றச்சாட்டு முன்வைக்கப்பட்டது. அதனைத் தொடர்ந்து நடைபெற்ற ஒரு திருமண நிகழ்ச்சியில், விஜய் மற்றும் திரிஷா இணைந்து வந்தது கவனம் பெற்றது.

தமிழக சட்டமன்ற தேர்தல் ஏப்ரல் 23, காலை 7 மணி முதல் நடைபெற்று வந்தது. வாக்குப்பதிவுகள் நடைபெற்று வரும் நிலையில், அரசியல் தலைவர்கள் முதல் திரை பிரபலங்கள் வரை பலரும் ஆர்வத்துடன் வந்து தங்கள் வாக்கை செலுத்தி வருகின்றனர்.

அந்த வகையில், நடிகை திரிஷா காலை 11 மணியளவில் சென்னை ஆழ்வார்ப்பேட்டையில் உள்ள செயின்ட் பிரான்சிஸ் மேல்நிலைப் பள்ளி வாக்குச்சாவடிக்கு வந்து வாக்களித்துள்ளார். அவர் காரில் இருந்து இறங்கியவுடன் ரசிகர்கள் அவரை சூழ்ந்தனர். வந்து இறங்கியதுமே இளம் தலைவர் வாழ்க என்கிற கோஷம் எழுப்பப்பட்ட உடனே த்ரிஷா சிரித்துக் கொண்டே ஓட்டுப்போட தனது அம்மாவுடன் சென்றார். இதனால் வாக்குச்சாவடிக்குள் செல்ல சிரமம் ஏற்பட்டது. சில நேரம் வெயிலில் காத்திருந்த அவர், ரசிகர்களின் கூட்டத்தை கடந்து பாதுகாவலர்களின் உதவியுடன் உள்ளே சென்றார்.

வாக்களிக்க வந்த அவரிடம், இந்த தேர்தலில் மாற்றம் ஏற்படுமா என்று செய்தியாளர்கள் கேள்வி எழுப்பினர். பின்னர், தனது இன்ஸ்டாகிராம் பக்கத்தில் வாக்களித்ததற்கான அடையாளமாக விரலில் மை குத்திய புகைப்படத்தை பகிர்ந்துள்ளார். அந்த பதிவில் விஜய் நடித்த கில்லி படத்தின் “அர்ஜுனரு வில்லு” பாடலின் இசையை பயன்படுத்தியுள்ளார். இந்த பதிவு இணையத்தில் வைரலாகி வருகிறது. நல்லவேளை த்ரிஷா விஜய் காரில் இந்த முறை வரவில்லை என்றும் வந்திருந்தால் சீனே வேற என்றும் நெட்டிசன்கள் பதிவிட்டு வருகின்றனர்.

ரச்சிதா மகாலட்சுமி உள்ளிட்ட நடிகைகள் ஒயிட் ஷர்ட் காக்கி பேன்ட் அணிந்து வந்த நிலையில், த்ரிஷா அணிந்து வந்த பச்சை சுடிதாரும் விவாத பொருளாக மாறியுள்ளது. விஜய்க்கு ஓட்டுப்போடாமல் அதிமுகவுக்கு வாக்களித்துள்ளாரா என கேள்வி எழுப்பி வருகின்றனர்.