×

வலிமை அப்டேட்டில் உண்மையா? தலையை தெரிக்கவிட்ட ரசிகர்களுக்கு ஏற்பட்ட ஏமாற்றம் என்ன?

ஹெச். வினோத் இயக்கத்தில் அஜித் நடித்து வரும் வலிமை படத்தின் ஷூட்டிங் ஹைதராபாத்தில் இருக்கும் ராமோஜி ராவ் ஃபிலிம் சிட்டியில் நடந்து வந்தது. கொரோனா வைரஸ் பிரச்சனையால் நிறுத்தி வைக்கப்பட்ட படப்பிடிப்பு அண்மையில் துவங்கியது.

 

கடந்த மாதம் 25ம் தேதி அஜித் படப்பிடிப்பில் கலந்து கொண்டார். அஜித், கார்த்திகேயா, ராஜ் அய்யப்பா உள்ளிட்ட அனைவரும் செட்டில் தான் தீபாவளியை கொண்டாடினார்கள். சில முக்கிய காட்சிகளை படமாக்கிய பிறகு அந்த ஷெட்யூல் நேற்று முன்தினம் நிறைவடைந்தது.

அடுத்தக்கட்ட படப்பிடிப்பு ஒரு மாதம் கழித்து ஹைதராபாத்தில் துவங்கவிருக்கிறது. தற்போது வரை எடுக்கப்பட்ட காட்சிகளை பார்த்து வினோத் சந்தோஷப்பட்டாராம். வலிமை படம் குறித்து அஜித் ரசிகர்கள் பல மாதங்களாக அப்டேட் கேட்டுக் கொண்டிருக்கிறார்கள்.

விரைவில் அப்டேட் வந்து ரசிகர்களை சந்தோஷப்படுத்தும் என்று எதிர்பார்க்கப்படுகிறது. வலிமை படத்தை மறைந்த நடிகை ஸ்ரீதேவியின் கணவர் போனி கபூர் தயாரித்து வருகிறார். பட வேலைகள் துவங்கிய நாளில் இருந்து போனி கபூர் #valimai ஹேஷ்டேகை பயன்படுத்தியதே இல்லை என்று அஜித் ரசிகர்கள் தெரிவித்தார்கள்.

இந்நிலையில் ரவுடி பேபி பாடலுக்கு 100 கோடி வியூஸ் கிடைத்ததற்காக இசையமைப்பாளர் யுவன் ஷங்கர் ராஜாவை பாராட்டி ட்வீட் போட்ட போனி கபூர் #valimai ஹேஷ்டேகை பயன்படுத்தினார். அதை பார்த்த ரசிக்ரகள் அப்டேட் கிடைத்தது போன்று குஷியாகிவிட்டனர். போனி கபூருக்கு நன்றி தெரிவித்தார்கள்.

வலிமை படத்தில் பாலிவுட் நடிகை ஹூமா குரேஷி நடிக்கிறார். படத்திற்கு யுவன் இசையமைக்கிறார். மங்காத்தாவை விட வலிமை பிஜிஎம் வெறித்தனமாக இருக்க வேண்டும் என்று ரசிகர்கள் யுவனிடம் கோரிக்கை விடுத்துள்ளனர்.

From around the web

Trending Videos

Tamilnadu News