விஜயை முதல்வராக தேர்ந்தெடுத்துள்ளீரகள், நிச்சயம் நல்லது செய்வார்.. விசில் அடித்துக் கொண்டாடிய SAC!

தமிழக அரசியல் களத்தில் இன்று நடைபெற்று வரும் வாக்கு எண்ணிக்கை பரபரப்பை ஏற்படுத்தியுள்ள நிலையில், விஜய் தொடர்பான ஒரு வீடியோ சமூக வலைதளங்களில் வேகமாக பரவி வருகிறது. அவரது கட்சியான தமிழக வெற்றிக் கழகம் பல தொகுதிகளில் ஆரம்ப கட்டத்திலிருந்தே முன்னிலை வகிப்பதாகத் தகவல்கள் வெளியாகியுள்ளதால், அவரது ரசிகர்கள் மட்டுமல்லாமல் குடும்பத்தினரும் உற்சாகத்தில் மூழ்கியுள்ளனர்.

சென்னையில் உள்ள விஜயின் இல்லத்தில் அவரது தாய், உறவினர்கள் உள்ளிட்டோர் மகிழ்ச்சியில் கொண்டாடும் காட்சிகள் இணையத்தில் வைரலாகி வருகின்றன. நீண்டநாளாக எதிர்பார்த்திருந்த அரசியல் வெற்றியின் தருணம் இதுவே என்ற உணர்வில், குடும்பத்தினர் உணர்ச்சி வசப்பட்டு தங்களது மகிழ்ச்சியை வெளிப்படுத்தியதாக கூறப்படுகிறது.

இதற்கிடையில், இயக்குநரும் விஜயின் தந்தையுமான எஸ்.ஏ. சந்திரசேகர் வீட்டிற்கு வந்தபோது, அங்கு நிலவிய கொண்டாட்ட சூழலைக் கண்டு மகிழ்ச்சியடைந்து, குடும்பத்தினரை அணைத்துப் பாராட்டியதாக தகவல்கள் தெரிவிக்கின்றன. மேலும், அதிகாலைவேளையில் திருத்தணி முருகன் கோவில் சென்று தனது மகன் அரசியல் பயணம் வெற்றி பெற வேண்டி பிரார்த்தனை செய்திருந்ததும் குறிப்பிடத்தக்கது.

இந்நிலையில், விஜயின் அடையாளமாக பார்க்கப்படும் வெள்ளை சட்டை மற்றும் சாண்டல் நிற பேண்ட் அணிவகுப்பை, இன்று அவரது தந்தையும் பின்பற்றியிருந்தது ரசிகர்களின் கவனத்தை ஈர்த்துள்ளது. மேலும், ஒரு முதலமைச்சரின் தந்தையாகப் போவதில் அவர் மகிழ்ச்சியுடன் காணப்படுகிறார். முதலமைச்சர் என அறிவிக்கும் முன்னதாகவே அவர் வீட்டில் கோண்டாட்டம் தொடங்கிவிட்டதை பார்த்த ரசிகர்களை சந்தோஷத்தில் ஆழ்தியுள்ளது.