×

விஜய் சேதுபதி படத்தில் வில்லியாகும் ரோஜா - முழு விவரம்!

தெலுங்கில் அல்லு அர்ஜுன் அடுத்ததாக நடிக்கும் " புஷ்பா" என்ற படத்தில் விஜய் சேதுபதி வில்லனாக ஒப்பந்தமாகியிருக்கிறார். இப்படத்தை ரங்கஸ்தலம் வெற்றி இயக்குனர் சுகுமார் இயக்குகிறார். தமிழ், தெலுங்கு, இந்தி உள்ளிட்ட 5 மொழிகளில் உருவாகி வரும் இப்படத்தில் அல்லு அர்ஜுனுக்கு ஜோடியாக ராஷ்மிகா மந்தனா நடிக்கிறார்.

 

மைத்ரி மூவி மேக்கர்ஸ் நிறுவனம் தயாரிக்கும் இந்தப் படத்துக்கு தேவி ஸ்ரீபிரசாத் இசையமைக்கிறார். போலந்து நாட்டைச் சேர்ந்த கியூபா ஒளிப்பதிவு செய்கிறார். இந்நிலையில் இப்படத்தை குறித்த ஸ்வாரஸ்யமான தகவல் ஒன்று கிடைத்துள்ளது. இத்திரைப்படத்தில் நடிகை ரோஜா நெகட்டிவ் கதாபாத்திரத்தில் நடிக்கிறார் என்ற தகவல் வெளியாகியிருக்கிறது. இதன் மூலம் சுமார் 5 வருடங்களுக்கு பின்னர் ரோஜா திரைத்துறைக்கு ரீஎன்ட்ரி கொடுக்கிறார்.  

நடிகர் விஜய் சேதுபதி தற்போது விஜய்க்கு வில்லனாக மாஸ்டர் படத்தில் நடித்துள்ளார். இது தவிர தெலுங்கில் உப்பண்ணா என்ற படத்தில் வில்லனாக நடித்து வருகிறார். இப்படி ஹீரோவாக மட்டுமின்றி வில்லனாகவும் நடித்து நடிகர்களை தொடர்ந்து மிரட்டி எடுத்து வரும் இவருக்கு தெலுங்கிலும் கோடி கணக்கில் சம்பளம் பேசப்படுவதால் டோலிவுட் திரையுலகினர் வைத்தெரிச்சலில் இருக்கிறார்களாம்.

From around the web

Trending Videos

Tamilnadu News