யார் இந்த ஸ்வேதா புருஷன்? தொடரும் குற்றச்சாட்டுகள்… சின்னத்திரை வட்டாரத்தில் பரபரப்பு!

Chinna Marumagal: சின்ன மருமகள் சீரியல் நடிகை ஸ்வேதா மற்றும் அவர் காதல் கணவருக்கு இடையேயான பிரச்சனை நாளுக்கு நாள் அதிகரித்து வருகிறது. தற்போது இருவரும் மாறி மாறி வீடியோ போட்டு வைரலாகி வருகின்றனர்.

சின்ன மருமகள் ஸ்வேதா தன்னுடைய இன்ஸ்டாகிராமில் அவர் காதலரை முகம் காட்டாமல் வீடியோ போட்டு வந்தார். திடீரென அந்த வீடியோக்களையும் நீக்கினார். அதை தொடர்ந்து ஆதி என்பவர் தான் தான் அவர் கணவர் என வீடியோ போட்டு பரபரப்பை ஏற்படுத்தினார். 

அதுவே பெரிய சிக்கலை ஏற்படுத்திய நிலையில் சீரியல் நடிகை தாமரை தன்னிடம் நகை வாங்கி ஏமாற்றியதாக பல ஆதாரங்களுடன் வீடியோ வெளியிட்டார். அதை தொடர்ந்து வைஷு தன்னுடைய 3 லட்ச புடவைகளை ஏமாற்றிவிட்டதாக அதிர்ச்சி தகவல்களை வெளியிட்டார். 

டிடிஎஃப் வாசன் உள்ளிட்ட பலரும் ஆதி பெரிய ஏமாற்று பேர்வழி அவர் பல லட்சங்களை ஏமாற்றியதாக வீடியோ வெளியிட்டனர். இதை தொடர்ந்து ஸ்வேதா அவர் கல்யாண வாழ்க்கையில் நடந்த பிரச்சனைகளையும் தன்னை ஆதி ஏமாற்றி விட்டதாகவும் அழுது வெளியிட்ட வீடியோ தான் நேற்று வைரலாக இருந்தது.

இந்நிலையில் ஆதி ஸ்வேதாவின் வீடியோக்கு விளக்கம் அளிக்கும் விதமாக நான் எல்லா இடத்துக்கும் அவரை தேடி சென்றேன். அவர் வீட்டை விட்டு வெளியேறிய காரணத்தை சொல்ல முடியுமா? நான் செய்யாத புகாரையெல்லாம் என் மீது போட்டு 50 லட்சம் ஜீவனாம்சம் கேட்டால் எப்படி என்னால் தர முடியும் என பேசி இருக்கிறார். 

தொடர்ந்து இந்த பிரச்சனைகள் வெடித்து வரும் நிலையில் ஆதி கைது செய்யப்பட கூட வாய்ப்பு இருப்பதாக தகவல்கள் வந்த வண்ணம் இருக்கிறது.