ஜனநாயகன் லீக்!.. குற்றவாளி பெயரை சொல்லாத காவல்துறை!.. மர்மம் என்ன?…

விஜய் ரசிகர்கள் மிகவும் ஆவலோடு எதிர்பார்த்து காத்திருக்கும் திரைப்படம் ஜனநாயகன். ஏனெனில் விஜய் அரசியலுக்கு சென்று விட்ட நிலையில் இதுதான் தனது கடைசி படம் என அவரே அறிவித்திருக்கிறார்
. கே.வி.என். புரடெக்‌ஷன் தயாரிப்பில் ஹெச்.வினோத் இயக்கியுள்ள இந்த படத்தில் மமிதா பைஜூ, பூஜா ஹெக்டே, பிரகாஷ்ராஜ், பாபி தியோல் உள்ளிட்ட பலரும் நடித்திருக்கிறார்கள்.

இந்த படம் தற்போது மறு தணிக்கையில் இருக்கிறது. ஆனால் தற்போது வரை தணிக்கை சான்றிதழ் கொடுக்கப்படவில்லை. மே மாதம்தான் இந்த படம் வெளியாகும் என ஏற்கனவே செய்தி வெளியான நிலையில் திடீரென சில நாட்களுக்கு முன்பு ஜனநாயகன் முழு படமும் இணையத்தில் லீக்-ஆகி படக்குழுவுக்கு அதிர்ச்சியை கொடுத்தது..

சைபர் கிரைம் போலீசார் விசாரணையில் அந்த படத்தின் எடிட்டிங்கில் பணிபுரிந்துள்ள Freelance வீடியோ எடிட்ட ஒருவர்தான் படத்தின் காப்பியை திருடி வேறு ஒருவருக்கு கொடுத்து அதன் மூலம் இணையதளங்களில் பதிவேற்றியது கண்டுபிடிக்கப்பட்டது. நள்ளிரவு 2.30 மணியளவில் அந்த வீடியோ எடிட்டரை காவல்துறை கைது செய்து மேஜிஸ்ட்ரேட் முன்பு நிறுத்தி அதன் பின் சிறையில் அடைத்திருக்கிறார்கள்.

ஆனால் இப்போது வரை அந்த நபர் யார்? அவரின் பெயர் என்ன? என்கிற எந்த விவரத்தையும் காவல்துறை வெளியிடவில்லை. இதன் பின்னால் இருக்கும் மர்மம் யாருக்கும் புரியவில்லை. குற்றவாளியின் பெயரை சொல்ல முடியாத அளவுக்கு இது ஒன்றும் சென்சிடிவான பிரச்சனை இல்லை.. இது வேறு சில பிரச்சனைகளை கொண்டுவரும் என எதிர்பார்க்கப்படுகிறது.

ஏனெனில், குற்றவாளியின் பெயரை சொல்லாததால் படத்தின் டைட்டில் கார்டில் வரும் எடிட்டிங் உதவியாளர்களில் ஒருவரை விஜய் ரசிகர்கள் கற்பனையாக இவர்தான் குற்றவாளி என முடிவெடுத்து அவர்களுக்கு எதிராக கம்பு சுத்த தொடங்கினால் அது அவர்களின் கெரியரை பாதிக்கும் என்பதை உணர்ந்து சம்பந்தப்பட்ட குற்றவாளி பற்றிய முழு விபரங்களையும் காவல்துறை வெளியிட வேண்டும் என்பதே பலரின் கோரிக்கையாக இருக்கிறது.