படத்துல விஜயை தாண்டி இதுமட்டும்தான் வந்துச்சாம்… வாங்கின அடி அப்படில…

Actor Vijay: இயக்குனர் லோகேஷ் கனகராஜ் இயக்கத்தில் நடிகர் விஜய் நடிப்பில் இன்று வெளியாகியுள்ள திரைப்படம்தான் லியோ. இப்படத்தில் விஜய்க்கு ஜோடியாக நடிகை த்ரிஷா நடித்துள்ளார். இப்படம் இன்று வெளியானதை அடுத்து அனைத்து தியேட்டரிகளும் விழாக்கோலம் போல காட்சியளிக்கிறது.

மேலும் லியோ LCUவில் இடம்பெற்றுள்ளதா என பலரும் கேட்ட கேள்விக்கு இப்படம் இன்று முற்றுபுள்ளி வைத்துள்ளது. இப்படம் LCUவில் தான் காட்சிபடுத்தபட்டுள்ளது. மேலும் இப்படத்தில் சஞ்சய் தத், அர்ஜுன், கெளதம் வாசுதேவ மேனன் போன்ற பல முக்கிய பிரபலங்களும் நடித்துள்ளனர். இப்படத்திற்கு இசையமைப்பாளர் அனிருத் இசையமைத்துள்ளார்.

இதையும் வாசிங்க:லியோ எல்சியூ தான்!.. ஆக்‌ஷனில் மட்டுமில்லை ஆக்டிங்கிலும் அசுரத்தனத்தை காட்டிய விஜய்.. ட்விட்டர் விமர்சனம்!

மேலும் இப்படத்தில் மிஷ்கின், சாண்டி போன்ற பல நட்சத்திரங்களும் நடித்துள்ளனர். இப்படத்தில் சாண்டியை இயக்குனர் வித்தியாசமான கோணத்தில் காட்டியுள்ளதாக தகவல்கள் வெளியாகின. இப்படத்தின் சண்டைகாட்சிகள் அன்பறிவு எனும் இரட்டையர்களால் உருவாக்கப்பட்டுள்ளது. 150 பேர் கொண்ட சண்டை காட்சி இப்படத்தில் காட்சிபடுத்தப்பட்டுள்ளது.

இப்படம் வெளியாவதற்குள் பல பிரச்சினைகளையும் சந்தித்தது. மேலும் இப்படத்தில் விஜய் புகை பிடிப்பது போன்ற காட்சிகள் அதிகமாக வந்துள்ளனவாம். அதனால் புகைபிடித்தல் உடல் நலத்திற்கு கேடு என்ற வசனம் படம் முழுவதும் இருக்கிறதாம். இது சில காட்சிகளில் நடிப்பவர்களை மறைக்கும் விதத்தில் இருந்ததாகவும் ரசிகர்கள் கருத்தினை தெரிவித்து வருகின்றனர்.

இதையும் வாசிங்க:வெங்காயம் வாங்குறவன்லாம் ஆம்பளை இல்லையா!.. விஜய் தேவர கொண்டாவுக்கு இந்த படமாவது வெளங்குமா?..

ஏற்கனவே இந்த படத்தின் போஸ்டர்கள் வரும் போது அதில் விஜய் புகைபிடிப்பது போன்ற படங்கள் வந்த போது பல அமைப்பினர் இதற்கு எதிர்ப்பு தெரிவித்தனர். மேலும் லியோ டிரெய்லரில் விஜய் கெட்ட வார்த்தை பேசியதற்கும் பல கண்டனங்கள் எழுந்தன.

அவை அனைத்தையும் மனதில் வைத்து கொண்டுதான் இது போன்ற எச்சரிக்கை வாசகங்களை படத்தில் தேவையுள்ள அனைத்து இடங்களிலும் படக்குழுவினர் சேர்த்துள்ளனர் என படத்தினை பார்த்தவர்கள் கருத்து தெரிவித்து வருகின்றனர். இருந்தாலும் இப்படத்தினை பார்த்த ரசிகர்கள் படம் மிகவும் திருப்தியாக அமைந்தது. விஜய் தனது நடிப்பினை அல்ட்ரா லெவலில் செய்துள்ளதாகவும் கண்டிப்பாக இந்த படம் நல்ல ஒரு வசூலை பெறும் எனவும் கருத்து தெரிவித்துள்ளனர்.

இதையும் வாசிங்க:மாஸ்டர் படத்தை போலவே லியோ படக் காட்சிகள் இணையத்தில் லீக்!.. அதிலும், அந்த ஹைனா சீனே வந்துடுச்சே!..