என்ன மச்சான்ஸ் ரெடியா? சின்னத்திரை மூலமாக கம்பேக் கொடுக்கப் போகும் நமீதா.. எப்படி மாறீட்டாங்க

Actress Namitha: நாம் பேசும் தமிழ் மொழியே மிகவும் அழகானது. அதுவும் நமீதா பேசி கேட்கும் போது இன்னும் அழகாகவே மாறியது. அந்தளவுக்கு கொஞ்சும் தமிழில் பேசும் நமீதாவின் தமிழ் கேட்கவே மிகவும் இனிமையாக இருக்கும். தமிழ் நாட்டு ரசிகர்களை நமீதா எப்போதும் ஹாய் மச்சான்ஸ் என்றே செல்லமாக அழைப்பார். இவரை தவிற வேறு எந்த பிரபலமும் அப்படி அழைத்ததே இல்லை.

நமீதாவிற்கே உரிய ஒரு ஸ்டைலாகவே அது மாறியது. எங்கள் அண்ணா படத்தின் மூலம் தமிழில் அறிமுகமான நமீதா அழகிய தமிழ் மகன், பில்லா, ஏய் போன்ற படங்களில் ஹீரோயினாக நடித்து ரசிகர்களின் அபிமானங்களை பெற்றார். தமிழ் மட்டுமல்லாமல் தெலுங்கிலும் பல படங்களில் நடித்து புகழ்பெற்றார். அதன் பிறகு நமீதா உடல் எடை அதிகமாகி பட வாய்ப்புகள் இல்லாமல் தவித்து வந்தார்.

இதையும் படிங்க: சூடுபிடிக்கும் நிவேதா பெத்துராஜ் விவகாரம்.. இப்போ எங்க போச்சு நடிகர் சங்கம்? பொங்கி எழும் பிரபலம்

அந்த நேரத்தில்தான் கலைஞர் டிவியின் மானாட மயிலாட நிகழ்ச்சியில் நடுவராக கலந்து கொண்டு நிகழ்ச்சியை பிரபலமாக்கினார். அதன் பிறகு பிக்பாஸ் நிகழ்ச்சியில் முதல் சீசனில் கலந்து கொண்ட நமீதா வெறும் 28 நாள்கள் இருந்து அதன் பிறகு வெளியே வந்தார். பிக்பாஸ் நிகழ்ச்சிக்கு பிறகாவது பட வாய்ப்புகள் வந்ததா என்றால் இல்லை. பிறகு ஒரு தொழிலதிபரை காதலித்து திருமணம் செய்து கொண்டார்.

இவருக்கு இரட்டை குழந்தைகள் பிறந்த நிலையில் குடும்பம் குழந்தை என கவனித்து வந்த நமீதா அரசியலிலும் இறங்கினார். தற்போது அரசியலில் ஒரு முக்கிய பொறுப்பிலும் இருக்கிறார். இந்த நிலையில் மீண்டும் ஒரு கம்பேக் கொடுத்திருக்கிறார் நமீதா. ஜீ தமிழில் டான்ஸ் ஜோடி நிகழ்ச்சியில் மூன்று நடுவர்களில் ஒருவராக இப்போது நமீதாவும் இணைந்திருக்கிறார்.

nami

இதையும் படிங்க: ஸ்ருதியால் பல்ப் வாங்கிய விஜயா.. மனோஜுக்கும், ரோகினிக்கும் இந்த திருட்டு புத்தி போகாதா?

ஏற்கனவே சினேகா , சங்கீதா மற்றும் பாபா மாஸ்டர் இருந்த நிலையில் பாபா மாஸ்டருக்கு பதிலாக இப்போது நமீதா நடுவராக வந்து சேர்ந்திருக்கிறார். அதுவும் புதுப் பொலிவுடன் மிகவும் ஸ்லிம்மாக இருக்கிறார் நமீதா.