Nayanthara: நயன்தாரானாலே பேரழகி தானே?!… படம் ரேஞ்சுக்கு பில்டப்!… வெளியான மேரேஜ் ட்ரைலர்!…

நடிகை நயன்தாராவின் beyond the fairy tale ஆவணப்படம் தொடர்பான டிரைலர் தற்போது வெளியாகி உள்ளது.

நடிகை நயன்தாரா: தமிழ், தெலுங்கு, மலையாளம், ஹிந்தி உள்ளிட்ட மொழிகளில் 20 ஆண்டுகளைக் கடந்து பிரபல நடிகையாக, லேடிஸ் சூப்பர் ஸ்டார் என்ற பட்டத்துடன் வலம் வருகின்றார் நடிகை நயன்தாரா. ஐயா என்கின்ற திரைப்படத்தின் மூலமாக சினிமா வாழ்க்கையை தொடங்கிய நயன்தாரா கிட்டத்தட்ட 75 திரைப்படங்களுக்கும் மேல் நடித்திருக்கின்றார்.

லேடிஸ் சூப்பர் ஸ்டார்: சினிமாவில் 20 வருடம் என்பது ஒரு சாதாரண விஷயம் கிடையாது. பல வெற்றி, பல தோல்வி, பல விமர்சனங்களை தாண்டி தனக்கென ஒரு அடையாளத்தை சினிமாவில் உருவாக்கி வைத்திருக்கின்றார் நடிகை நயன்தாரா. சினிமா மட்டும் இல்லாமல் பிசினஸிலும் கவனம் செலுத்தி வரும் நயன்தாரா தொடர்ந்து வெற்றி நாயகியாக இருந்து வருகின்றார்.

இதையும் படிங்க: Vijay: கண்ணிய குறைவா இருக்கு!… தரம் தாழ்ந்தவர் அல்ல விஜய்… போஸ் வெங்கட்டுக்கு பதிலடி கொடுத்த பிரபலம்!…

நயன்தாரா திருமணம்: கடந்த 2017 ஆம் ஆண்டு வெளிவந்த நானும் ரவுடிதான் என்கின்ற திரைப்படத்தில் நடித்துக் கொண்டிருந்த போது இயக்குனர் விக்னேஷ் சிவனுடன் காதல் ஏற்பட்டது. இருவரும் சில வருடங்கள் காதலித்து வந்த நிலையில் கடந்த 2022 ஆம் ஆண்டு சென்னை மகாபலிபுரத்தில் மிக பிரம்மாண்டமாக திருமணம் செய்து கொண்டனர். இவர்கள் திருமணத்திற்கு கோலிவுட்டில் இருந்து பாலிவுட் வரை பல பிரபலங்கள் கலந்து கொண்டிருந்தார்கள்.

இந்த திருமணத்தை மிகப்பிரமாண்டமாக நடத்திக் காட்டி இருந்தார் நடிகை நயன்தாரா. அவர் அணிந்திருந்த புடவை, நகைகள் என ஒவ்வொன்றும் பார்த்து பார்த்து காஸ்டியூம் செய்யப்பட்டது. நடிகை நயன்தாரா விக்னேஷ் சிவன் திருமணம் தொடர்பான சில புகைப்படங்கள் மட்டுமே இணையத்தில் வெளியாகி இருந்தது. திருமணம் தொடர்பான வீடியோ நெட்ஃபிளிக்ஸில் டாக்குமெண்ரியாக வெளியாகும் என்று அறிவித்திருந்தார்கள். ஆனால் திருமணம் முடிந்து இரண்டு ஆண்டுகளான நிலையில் தற்போது வரை எந்த வீடியோவும் வெளியாகவில்லை.

நயன்தாரா ஆவணப்படம்: நடிகை நயன்தாராவின் திருமணத்தை காண பலரும் ஆவலுடன் காத்திருக்கும் நிலையில் வருகிற நவம்பர் 18ஆம் தேதி நெட்ஃபிளிக்ஸ் ஓடிடி-யில் நயன்தாரா beyond the fairy tale என்று ஆவணப்படமாக வெளியாக இருக்கின்றது. இதனை காண அவரின் ரசிகர்கள் ஆவலுடன் காத்திருக்கிறார்கள்.

ஆவணப்படம் ட்ரெய்லர்: இந்த ஆவணப்படம் தொடர்பான ட்ரெய்லர் தற்போது நெட்ஃபிளிக்ஸ் ஓடிடி-யில் வெளியாகி இருக்கின்றது. இந்த வீடியோவில் நடிகை நயன்தாரா குறித்து நாகார்ஜுனா, ராதிகா, அட்லி, நெல்சன், டாப்ஸி உள்ளிட்ட பலரும் பேசுவதை காண முடிகின்றது. லேடி சூப்பர் ஸ்டார் என்ற பட்டத்துடன் நடிகை நயன்தாரா என்ட்ரி யாவதும், நயன்தாரா குறித்து விக்னேஷ் சிவன் வர்ணிப்பது போன்ற பல விஷயங்கள் இந்த ட்ரெய்லரில் இடம் பிடித்திருக்கின்றது.

இதையும் படிங்க: Shrutihaasan: 3 படத்துக்கு அப்புறம் எந்த பட வாய்ப்புமே வரல?!… யாருமே கூப்பிடல!… பீல் பண்ண ஸ்ருதிஹாசன்!…

அதிலும் இயக்குனர் விக்னேஷ் சிவன் கூறியிருந்ததாவது ‘இப்படி ஒரு திருமணத்தை நான் பார்த்ததே கிடையாது. ஆனால் அப்படி ஒரு திருமணம் எனக்கு நடக்கின்றது என்பது மிக பிரம்மிப்பாக இருந்தது. நயன்தாரா என்றாலே பேரழகி தானே’ என்று தனது உற்சாகத்தை அதில் பதிவு செய்திருந்தார். மேலும் கொசு இருப்பதாக கூறி செல்லமாக நயன்தாரா விக்னேஷ் சிவனை அடிப்பது போன்ற பல விஷயங்கள் இந்த வீடியோவில் இடம் பெற்றிருந்தது.

அதைத் தொடர்ந்து நடிகை நயன்தாரா விக்னேஷ் சிவன் உடன் ஏற்பட்ட காதல் குறித்தும் உருக்கமாக பேசியிருந்தார். ட்ரைலரை பார்த்த ரசிகர்கள் பலரும் மிகுந்த ஆர்வத்தில் இருக்கிறார்கள். வரும் 18ஆம் தேதி வெளியாகும் Nayanthara : beyond the fairy tale ஆவண படத்தை பார்ப்பதற்கு ரசிகர்கள் ஆர்வத்துடன் காத்திருக்கிறார்கள்.