சத்யராஜை வைத்து பல படங்களை எடுத்த தயாரிப்பாளர் ராமநாதன் மரணம்..

நடிகர் சத்தியராஜுக்கு மேனஜாராக இருந்தவர் ராமநாதன். சத்தியராஜ் நடிப்பில் வெளிவந்த பல படங்களில் இவர் அவரின் மேனேஜராக இருந்தார். ராஜ் பிலிம்ஸ் இண்டர்நேஷனல் எனும் தயாரிப்பு நிறுவனத்தையும் துவங்கி சத்தியராஜை வைத்து பல படங்களையும் தயாரித்திருக்கிறார். அது சத்தியராஜின் நிறுவனம்தான். சத்தியராஜின் பினாமிதான் ராமநாதன் எனவும் திரையுலகில் சொல்வர்கள்.

சத்தியாஜ் நடித்து வெளியான வாத்தியார் வீட்டுப் பிள்ளை, நடிகன், வள்ளல், திருமதி பழனிச்சாமி, பிரம்மா, உடன் பிறப்பு, வில்லாதி வில்லன் போன்ற படங்களை தயாரித்திருந்தார். அதேபோல், பாரதிராஜா இயக்கத்தில் விஜயகாந்த் நடித்து வெளியான தமிழ் செல்வன் படத்தை தயாரித்ததும் இவர்தான்.

இவருக்கு பிரமிளா என்கிற மனைவியும், காருண்யா, சரண்யா என இரு மகள்கள் உள்ளனர். ராமநாதனுக்கு உடல்நலக்குறைவு ஏற்பட்டு சென்னையில் உள்ள ஒரு தனியார் மருத்துவமனையில் அனுமதிக்கப்பட்டிருந்தார். ஆனால், சிகிச்சை பலனின்றி இன்று காலை அவர் மரணமடைந்தார்.

அவரின் மகள்கள் இருவரும் இப்போது வெளிநாட்டில் இருக்கிறார்கள். எனவே, அவர்கள் வருகிற 16ம் தேதி புதன்கிழமை சென்னை வந்ததும் இறுதிச்சடங்கு நடைபெறவுள்ளதாக அறிவிக்கப்படுகிறது. இராநாதனின் மறைவுக்கு திரையுலகினர் பலரும் இரங்கல் தெரிவித்து வருகிறார்கள். சத்தியராஜ் கண்டிப்பாக நேரில் சென்று அவருக்கு அஞ்சலி செலுத்துவார் என எதிர்பர்க்கப்படுகிறது.